Таастаах нэһилиэгэр оҕо сынньалаҥын тэрийэр «Дворовый вожатый» лааҕыр от ыйын 5 күнүттэн үлэлиир.
Барыта 22 оҕо күн аайы оскуола баазатыгар, оҕо оонньуур уонна спортивнай площадкаларыгар дьарыктаналлар, эттэрин-хааннарын сайыннараллар, нэһилиэк кэрэ миэстэлэригэр сибэккилэри көрөллөр-истэллэр, сыыс от ыраастыыллар.
Баһаатайдарынан П.П. Романов аатынан художественнай училище 4-с курсун устудьуона Мичийээнэ Муксунова уонна М.К. Аммосов аатынан дьоппуон тылын үөрэтэр салаатын 4-с курсун устудьуона Надежда Аргунова үлэлии сылдьаллар.
Т.М. Аргунова, Таастаах нэһилиэгэ