Муус устар ый саҕаланыытыгар З.А. Тихонова аатынан «Түөлбэ» оҕо киинин үлэһиттэрэ биир идэлээхтэрбитигэр Тааттатааҕы «Сатабыл» оҕо киинигэр хардарыта үлэни билиһиннэрэр сыаллаах тэрээһиҥҥэ сылдьан кэллибит. Делегацияны салайан илдьэ сырытта методист М.М. Никитина, педагогтарбыт бэйэлэрин үлэлэрин сырдаттылар, маастар-кылаастары ыыттылар. Ол курдук, А.С. Павлова, бизнес-инкубатор салайааччыта, холбоһуктар салайааччылара: С.А. Жиркова, «ЮнЭк» холбоһук, М.С. Герасимова, «Саһарҕа» телестудия, Ходьуку Н.Дк., «Эдэр модельердар» холбоһук уонна Е.И. Дьячковская, «МаскаРад» холбоһук үлэлэрин үөрүйэхтэрин билиһиннэрдилэр.
Көрсүһүү иннигэр Таатта улууһун үөрэҕин салалтатын салайааччытын э.т. И.И. Дягилев уонна «Үһүс оскуола» саастаах дьоно арчылаан көрсүбүттэрэ сүргэбитин көтөхтө.
«Сатабыл» оҕо киинин үлэһиттэрэ (сал. Алгыстаана Сырдык Ай) бэйэлэрин өттүлэриттэн үлэлэрин билиһиннэрдилэр, «Хадаайы» музей комплекска сырытыннардылар. Ол кэннэ А.Е. Мординов аатынан лицей дириэктэрэ И.А. Сивцева учууталларын үлэлэрин уоппутун түмэн, бэчээттэтэн таһаартарбыт брошюраларын, кинигэлэрин билиһиннэрбитэ педагогтарга көмөлөөх буолара саарбахтаммат.
Туһалаах көрсүһүү төгүрүк остуолунан түмүктэннэ, салгыы өссө да көрсүһүөх буолан тарҕастыбыт.
А.С. Павлова, эбии үөрэхтээһин педагога.