ДЬОКУУСКАЙ. Таатта улууһун нэһилиэктэрин олохтоохторо, «Сахаволонтёр» хамсааһын ыытар, анал байыаннай дьайыыга сылдьан бааһырбыт биир дойдулаахтарбытыгар анаан «бублик» тигиитигэр холбоспуттара.
Бастакы тигии маастар-кылааһын тута сибээс нөҥүө Полина Розенблюм Интернет ситимин нөҥүө Москваттан ыыппыта. СВО кыттыылааҕын ийэтэ Мария Бондарева ыҥырыытынан, Татьяна Арылаховалыын тигэн саҕалаабыттара.
Бүгүн, атырдьах ыйын 1 күнүгэр, «Якутия с тобой» (сал. Айыл Мааттыс уола Дьулурҕа) уопсастыбаннай ыстаабыгар
Таатта нэһилиэгэ-163,
Хара Алдан нэһилиэгэ-59, Тыараһа нэһилиэгэ-19,
Алдан нэһилиэгэ-94,
Уолба нэһилиэгэ-37,
Уус Амма нэһилиэгэ-45,
Дьүлэй нэһилиэгэ-62 тикпит «бубликтарын» туттардылар.
«Бублик» тигиитэ нэһилиэктэргэ салҕанан баран иһэр. Көмө-тирэх буолар «бубликтар» Москуба, Ростов госпиталларыгар ыытыллыахтара.