Бүгүн М.Е. Охлопкова аатынан Түбэ орто оскуолатыгар Арбын орто оскуолата Пионерия знамятын үөрүүлээх линейкаҕа аҕалан туттарда. Түбэ ветеран пионердара формалаах, кыыһар кыһыл хаалтыстаах, урукку дружина былааҕын өрө көтөҕөн, кэккэлээн турар оҕолорго чиҥник үктээн, речевкалаах киирэн тэрээһини тупсардылар.
Оскуолабыт директора Е.И. Шарина, пионерскай дружина председателэ В.Н. Попова, бастыҥ үөрэнээччи Дьяконов Ганя барабаан доҕуһуолунан знамяны туттулар. Оскуола музейын фондатыттан оскуолабытыгар пионерскай үлэни кэрэһэлиир быыстапка турда.
Ветераннар оҕолорго, ыччаттарга Пионерия историятын истиҥник ахтан аастылар уонна Ийэ дойдуга бэриниилээх буолууну, үөрэҕи, үлэни өрө туталларыгар ыҥырдылар.
Марита Сивцева