М.Е. Охлопкова аатынан Түбэ орто оскуолатын 6 кылааһын үөрэнээччитэ Сайаан Никонов персональнай быыстапката «Айхал» культура киинин фойетыгар турда. Сайаан ураты уруһуйдарын, оҥоһуктарын, хаартыскаҕа түһэриилэрин оскуола үөрэнээччилэрэ, ветераннар, нэһилиэк олохтоохторо сэргии көрдүлэр.
Быыстапканы тэрийбит оскуола библиотекара М.А. Сивцева киирии тылынан тэрээһини арыйда. Эҕэрдэ тылы дьаһалта специалиһа Д.И. Готовцев, наставниктар ааттарыттан Р.Е. Лукина, Г.К. Куличкина, ветераннар сэбиэттэриттэн М.П. Сивцева эттилэр. Кинилэр Сайааҥҥа, төрөппүттэригэр уолларын бары өртүнэн сайыннаралларыгар махталларын биллэрдилэр уонна дьарыктанарыгар анаан сэмэй бэлэхтэри туттардылар.
М.А. Сивцева