Тугу түһүүрэ буоллаа…
Тоҥон турар кэбиһиилээх от
Тойонноон көрүүм дуу…
Туохха дууһам сытарынан.
Хаарынан саҕынньах бүрүнэн
Хаһынтан, ардахтан,хахсааттан
Хаххалыы турдаҕа көһүтэ…
Хаһан тиэйэр хаһаайынын.
Түһүүр түүлүн үргүппэккэ
Тэйиччиттэн сэрэнэммин
Тыаллыын сырсан сыыдамнык
Тиийдим оттуур алааспар.
Оо,сайыны түһүүрэ буолуо ээ…
Ойор күннээх өҥүрүк куйааһы
Охсуллубут от сытын-дыргылын
Отуу тула отчуттарын…
Сытыы хотуур ыллыы-туойа
Сырылатта оту тэлгии
Сыыйа-баайа бэл үөн-көйүүр
Саһан хаалла, симэлийэн.
Куурбут отун күөйэ харбыыр
Кыраабыллаах кыргыттарын,
Кыайар-хотор уоланнара
Кэккэлэппит лэкээлэрин
От олоҕо олохтонноо!
Омуннаахтык үлэлээн,
Ойор күммүт түһүүтэ
Отпут мустан, түстэннэ!
Тоҥон турар бу окко
Түстэннэҕэ барыта
Туойар хотуур тойуга
Тохтор үлэ көлөһүнэ.
Өйдүүр киһи өйдүөҕэ…
Өбүгэлэрбит саҕаттан
Өрөкүйэ үлүмнэһэр үлэни
Өйтөн сүппэт көмүс кэми….
Күн Эйэ
Тохсунньу 21 күнэ, 2022 сыл.