Россия почтата Тымныы Оҕонньорго баҕа санаалаах суругу сылы эргиччи тиэрдэр. Оҕолор бырааһынньыктааҕы кэмбиэргэ үтүө санаалаах суругу уган дойду хайа баҕарар муннугуттан ыытыахтарын сөп. Кэмбиэр тиийэрин туһугар анал маарканы сыһыарыы, тиийэр аадырыһын сөпкө суруйуу ирдэнэр. Итиэннэ, саамай сүрүнэ – бэйэ аадырыһа сөпкө суруллуохтаах.
Тымныы Оҕонньорго суругу ханнык баҕарар почта отделениетыттан ыыталлар. Куорат уонна тыа сириттэн киирбит суруктар Россия почтатын региональнайдааҕы магистральнай-наардыыр киинигэр тиийэр.
— Тымныы Оҕонньор аадырыһа: 162390, Вологодскай уобалас, Великий Устюг куорат, «Тымныы Оҕонньор дьиэтэ» (162390, Вологодская область, г. Великий Устюг, Деду Морозу)
Москватааҕы уһаайбата: 109472, Москва, Кузьминскай ойуур, Волгоградскай проспект, вл. 168 дьиэтэ (109472, Москва, Кузьминский лес, Волгоградский проспект, вл. 168 д.)
Итини сэргэ, Тымныы Оҕонньор курдук аптаах дьон дойду араас регионнарыгар олороллор, кинилэри кытары оҕолорор бэйэлэрин баҕа санааларын үллэстиэхтэрин, сылы хайдах атааран эрэллэрин туһунан эмиэ суруйуохтарын сөп.
— Екатеринбург анныгар Остуоруйа пааркатыгар олорор Урал Моруос аадырыһа: 624002, Свердловскай уобалас. Арамиль бөһ., Парк Сказов уул., 1 дьиэтэ (624002, Свердловская обл. п. Арамиль, ул. Парк Сказов, д. 1.)
— Карелияҕа саҥа дьыллааҕы суруктары аптаах эдэр — Паккайне ааҕар. Аадырыһа: 186000, Карелия республиката, Олонец куорат, Кыайыы 30 сыла уул., 8 дьиэтэ. Паккайне атыы-эргиэн тиэргэнэ (186000, Республика Карелия, г. Олонец, ул. 30-летия Победы, д.8., Купеческий двор Паккайне)
— Татарстаҥҥа олорор «кыһыҥҥы оҕонньор» диэн суолталаах Кыш Бабай аадырыһа: 422035, Татарстан, Новый Кырлай селота, Центральная уул., 1 дьиэтэ, Кыш Бабай резиденцията (422035, Татарстан, с. Новый Кырлай, ул. Центральная, д.1, Резиденция Кыш Бабая)
— Бурятияҕа Байкал күөл кытылыгар олорор Сагаан Убгэн (Белый Старец) аадырыһа: 670045, Улан-Удэ куорат, Верхняя Березовка мкр., 17 Б дьиэтэ (670045, г. Улан-Удэ, мкр. Верхняя Березовка, д.17 Б.)
Саха сириттэн баҕа санаа суруга Тымныы Оҕонньорго Саҥа дьыл иннинэ тиийэригэр Россия почтата эрдэ ыытары сүбэлиир. Баҕа санаа суругар эппиэт кэлэрин туһугар бэйэ аадырыһы толору, индекси чуолкайдык суруйар ирдэнэр.
SONY DSC
Семен Аргунов