М. В. Петрова аатынан Таастаах орто оскуолатын үөрэнээччилэрэ Учуутал күнүнэн учууталларын эҕэрдэлээн айбыт хоһоонноро. Салайааччы — Татаринова Аксинья Семеновна, саха тылын, литературатын учуутала.
Учуутал, учуутал
А буукубаттан саҕалаан
Элбэххэ үөрэтэҕин.
Маҥнайгы кылаастан
Бүөбэйдиигин биһигини.
Иккис төрөппүппүт кэриэтэҕин
Олохпут тухары умнуохпут суоҕа
Учууталларбытын!
Аргунов Артем, 7-c кылаас
Хас да сыл тулуйан,
Биһигитини улаатыннаран,
Үөрэхтээх киһи оҥорон,
Тыл баайын сайыннаран
Үөрэппит киһи эн буолаҕын учуутал!
Учуутал – ыарахан идэ,
Учуутал – таптыыр киһим,
Учуутал – чугас атас,
Учуутал – иккис ийэ,
Махтаныам этэ эйиэхэ учуутал!
Заболоцкая София, 7-c кылаас
Быйыл бүтэрэбит оскуолабытын
Билии кыһатыгар уйдарбыт,
Иккис дьиэбититтэн тэйэбит.
Учууталларбыт уһуйуулара
Үрдүктэн үрдүккэ кынаттыаҕа,
Үлэһит дьон буолан
Үөрэппит учууталларбытыгар
Махтаныахпыт!
Оконешников Женя, 9-c кылаас
Номнуо тоҕус сыл ааһан эрэр
Оскуола дьиэбититтэн тэйэбит.
Күндү да күннэр аастылар
Таастааҕым оскуолатыгар.
Учууталларбын хаһан да умнуом суоҕа!
Куруутун кинилэри ахтыам!
Махтаныам учууталларбар!
Атастыров Женя, 9-с кылаас
Екатерина Григорьевнаҕа
Кылааспыт салайааччыта
Екатерина Григорьевна.
Эһиги биһигини
Олус элбэххэ үөрэтэҕит.
Эһиги биһигини
Сырдыкка, ырааска сирдиигит.
Эһиги биһигини
Олоххо сирдиигит.
Биһиги туспутугар
Ис сүрэххитинэн кыһаллаҕыт!
Иванов Илья, 5-c кылаас
Бастакы кылааска үктэнэрбитигэр
Сиэтэн киллэрбитэ
София Петровна
Кини олус үчүгэй,
Кини олус кыһаллар,
Кини кыыһырбат.
Ахтабыт бастакы учууталбытын
София Петровнаны
Атласов Вадим, 5-c кылаас
Екатерина Григорьевна
Иккис ийэбит кэриэтэ.
Бары барытыгар уһуйар,
Сороҕор сэмэлиир
Ол эрэн биһигини таптыыр
Биһиги кинини эмиэ таптыыбыт!
Атласова Катя, 5-с кылаас
Бастакы учууталым Туйаара Марковна
Кини миигин сиэтэн киллэрбитэ
Билии кыһатыгар.
Кини миигин ааҕарга, суруйарга үөрэппитэ
Кини миигин элбэххэ саҥаҕа уһуйбута,
Махтанабын эйиэхэ
Бастакы учууталбар
Туйаара Марковнаҕа!
Сивцева Вика, 5-c кылаас
Алын кылааһы бүтэрэн
Орто сүһүөххэ таҕыстыбыт.
Ол эрэн умнубаппыт
Маҥнайгы учууталбытын
Туйаара Марковнаны!
Кини элбэххэ үөрэппитэ,
Үгүс саҥаны билбиппит,
Туйаара Марковнаны ахтабыт!
Лиханов Пана, 5-c кылаас
Айыына Иннокентьевна
Кини нуучча тылын учуутала
Биһиги кылааспыт салайааччыта
Айыына Иннокеньевнабыт
Икки сыл устата биһигини
Бэйэҕит оҕоҕут курдук
Көрөн бүөбэйдээн сылдьаҕыт
Элбэх бэһиэлэй күннэр
Мүччүргэннээх түгэннэр
Биллибэккэ аастылар
Махтал тылларын этэбит
Айыына Иннокетьевнаҕа.
Оконешникова Юлия, 6-с кылаас
Учуутал оҕолору элбэххэ үөрэтэр,
Үгүс үтүмэн үтүөҕэ сирдиир.
Дабайабыт үрдүктэн үрдүккэ
Эйиигинниин учуутал!
Сороҕор буруйу оҥордохпутуна
Мөҕөллөр учууталлар,
Ол эрэн
Үксүн таптыыллар биһигини.
Оскуолабытын бүтэрэн да баран
Үөрэппит учууталларбытын
Умнуохпут суоҕа!
Кинилэр эппит тылларын
Холобур оҥостуохпут!
Аргунов Альберт, 7-с кылаас
Учуутал үлэтэ олус ыарахан
Түбүктээх, сыралаах.
Кинилэр биһигини
Ааҕарга, суоттуурга,
Суруйарга үөрэтэллэр.
Үөрэхтээх дьон буоллуннар диэн
Биһиэхэ кыһаллаллар.
Гермогенова Василина 6-c кылаас
Учуутал учуутал учуутал
Элбэх билиини иҥэрэҕин.
Саҥаттан саҥаны дабайабыт
Эйиигинниин
Үгүһү үөрэтэбит учууталлыын.
Атласов Айсен, 6-с кылаас
Махтаныахпын баҕарабын
Куруутун барытыгар көмөлөһөр,
Элбэх билиини биэрэр,
Учууталларбар!
Эһиги көмөҕүтүнэн мин
Үөрэхтээх мааныта буолуом!
Эһиги угуйуугутунан
Үрдүктэн үрдүгү дабайыам!
Улахан кылааска дьэ өйдөөтүм
Биһигини үчүгэйи
Баҕаран сэмэлииргитин.
Эһиги олус тулуурдааххыт
Иккис ийэ кэриэтэҕит.
Учууталлар баар буоланнар
Үөрэхтээхпит
Махтал маанытын аныыбыт
Учууталларбар!
Егорова Виола, 8-c кылаас
Валентина Валерьевнаҕа
Сөбүлүүр уруогум биология, география
Уруогу үөрэтэр Валентина Валерьевна!
Олус интириэһиргиибин
Учууталым кэпсиирин.
Болҕойон истэбин
Кыһаллан үөрэнэбин.
Улааттахпына чинчийиинэн
Дьарыктаныам.
Учууталым үөрэппит билиитин
Олохпор туһаныам.
Махтанабын Валентина Валерьевнаҕа!
Попов Матвей, 8-c кылаас