Өрөспүүбүлүкэбитигэр балаҕан ыйын 24-29 күннэригэр регион икки ардынааҕы «Уу – куттала суох территория!» («Вода – безопасная территория!») диэн аахсыйа IV түһүмэҕэ саҕаланна.
Рейдэ кэмигэр СӨ ЫБМ кылаабынай управлениетын кыра уйуктаах уу аалларын киинин судаарыстыбаннай инспекцияларын бары салаалара СӨ государственнай баһаары утары сулууспатын инспектордарын кытта күн аайы өрүскэ, күөллэргэ холбоһуктаах рейдэҕэ тахсаллар.
Бэҕэһээҥҥиттэн Нам улууһун кыра уйуктаах уу аалларын государственнай инспекциятын (ГИМС) инспектордара өрүскэ, боротуохаларга, күөллэргэ лодкалаах дьоҥҥо, балыксыттарга ууга сэрэхтээхтик сылдьыыга сэрэтии, өйдөтүү үлэтин ыыталлар, докумуоннарын бэрэбиэркэлииллэр.
***
2007 сыл атырдьах ыйын 16 күнүнээҕи СӨ Правительствотын «Об утверждении Правил пользования водными объектами для плавания на маломерных судах на территории РС(Я)» уурааҕыгар олоҕуран, кыра уйуктаах уу аалларынан сылдьары тохтотор бирикээс таҕыста.
Ол курдук, бу сыл балаҕан ыйын 25 күнүттэн хоту улуустарга өрүһүнэн сырыы тохтуур. Онтон киин, өрүс уҥуор, Бүлүү бөлөх улуустарга, куораттарга, Дьокуускай уокуругар алтынньы 7 күнүттэн бобуллар. Ууга сэрэхтээх буолуҥ!
Семен Аргунов