Өрөспүүбүлүкэ үрдүнэн үлэлиир «Якутия с тобой» уопсастыбаннай хамсааһыҥҥа кыттыһааччылар Дьокуускайга баар штабка кэлэн көмөлөһөллөр. Иистэнэр сыахха байыаннай дьайыы кыттыылаахтарыгар аналлаах таҥастары тигэллэр.
Штабка күн аайы үлэлиир волонтер Ньургуйаана Готовцева Хамаҕаттаттан киирэн көмөлөспүттэрин иһитиннэрэр:
— Дьокуускай куоракка баар байыаннай дьайыы волонтердарын «Якутия с тобой» штабыгар Нам улууһун Хамаҕатта нэһилиэгиттэн «Кэрэ умсулҕана» иистэнньэҥнэр түмсүүлэриттэн кэлэн көмөлөҺөн барбыттара. Кинилэр плащ-палатка тиктилэр, харысхал уонна «Шаман» диэн көстүүмҥэ таҥас кырыйан бэлэмнээтилэр, маскировочнай сетка баайдылар.
Барыларыгар барҕа махтал!
Өссө да кэлэн Кыайыы туһугар биир дойдулаахтарым көмөлөһүөхтэрэ диэн эрэнэ хаалабын. Аадырыспыт: г. Якутск, ул. Бестужева-Марлинского, 5 корпус 1.
Мария Винокурова