Бэҕэһээ, Өрөспүүбүлүкэ күнүгэр, Үөдэй нэһилиэгэр үгэскэ кубулуйбут аҕа уустар икки ардыларыгар волейболга күрэх буолан ааста. Билэрбит курдук, Үөдэй нэһилиэгэ улууспутугар саамай элбэх Герой ийэлээҕинэн биллэр, ону таһынан хайыһар, чэпчэки атлетика, бокс курдук спорт көрүҥнэрэ улаханнык сайдыбыт нэһилиэгэ.
Күрэххэ Ядреевтар, Эверстовтар, Дягилевтар, Новгородовтар, Зыряновтар хамаанда туруордулар. Хамаандаҕа күтүөттэр, кийииттэр, сиэннэр, хос сиэннэр кытыннылар. Хас биирдии хамаанда биир тэҥ форма кэтэн кииристилэр.
Күрэс түмүгүнэн:
1 миэстэ — Зыряновтар аҕа уус;
2 миэстэ — Новгородовтар аҕа уус;
3 миэстэ — Ядреевтар аҕа уус.
Бу маннык интэриэһинэй бырайыагы Үөдэй И.Н. Зырянов аатынан КСК директора Екатерина Ядреева оскуолаҕа үөрэнэр эрдэҕиттэн тэрийэр баҕа санаата этэ. Билигин дьону түмэн көҕүлээн, волейбол күрэҕин ыытара, көлүөнэлэри ситимниирэ хайҕаллаах.
Лена Корякина