#Быыбар2023
Үөдэйгэ быыбар үһүс күнүгэр быыбардыыр учаастакка аҕа саастаахтартан үлэ бэтэрээнэ Полина Ивановна Кельциева уонна аан бастакытын быыбардыыр Марат Данилов кыттыыны ыллылар.
Маны сэргэ бүгүн Тоҥ-Бас сайылык олохтоохторугар уонна дьиэнэн олорор аҕа саастаах көлүөнэҕэ, доруобуйаларынан хааччахтаах дьоҥҥо дьиэҕэ куоластатыы тэрилиннэ. Манна 51 киһи куоластаата.
Саамай аҕа саастаах куоластааччы 93 саастаах тыыл бэтэрээнэ Гераида Семеновна Ядреева буолар.
Бүгүн түмүк күн, онон киэһэ 20:00 дылы куоластарын биэрэ илик дьон кыттыыны ылыахтара диэн эрэнэбит.
Екатерина Эверстова