Нам улуустааҕы үөрэх управлениета социальнай ситимҥэ иһитиннэрбитинэн, Россияҕа Дьиэ кэргэн, СӨ Оҕо саас сылларыгар ананан ыытыллыбыт улуустааҕы «Мир театра» фестиваль кыайыылаахтара – М.К. Аммосов аатынан Хатырык уонна Партизан орто оскуолаларын үөрэнээччилэрэ муус устар 19 күнүгэр П.А. Ойуунускай аатынан Саха театрыгар «Театр наизнанку» экскурсияҕа сылдьыбыттар.
Оҕолорго Саха театрын артыыската, «Алампа-2022с.» общественнай бириэмийэ лауреата Елена Маркова театр ис эйгэтин билиһиннэрбит. Кини театр историятын кэпсээбит, иистэнэр сыаҕы, көстүүм уларыттар, гримнэнэр о.д.а. хостору көрдөрбүт. Эдэр артыыстар көрөөччүнү умсугутар, сөхтөрөр, абылыыр, дьикти-кэрэ уларыйыылар тахсар театр эйгэтин иһиттэн чугастык билсибиттэр.
Үөрэнээччилэр экскурсия кэнниттэн А.И. Софронов-Алампа «Таптал» драматынан туруоруллубут спектаклы сэҥээрэ көрбүттэр. Артыыстар оонньуур талааннарынан, уобарастары арыйар маастарыстыбаларынан оҕолору сөхтөрбүттэр.
2023 сылтан дойдубут Президенэ В.В. Путин Ыйааҕар олоҕуран Нам улууһун бары оскуолаларыгар театрдар тэриллибиттэр. Театр искусствотынан эйгэтигэр барыта 955 оҕо дьарыктанар.
Касьян Олесов-Олук