Нам сэлиэнньэтигэр оскуола үөрэнээччилэрэ сайыҥҥы сынньалаҥнарын туһалаахтык атаараллар. Ленскэй нэһилиэк олохтоох дьаһалтата оҕолор эт-хаан өттүнэн хамсаналларыгар кыах биэрэр. Ол курдук, сайын устата үөрэнээччилэр волонтерскай этэрээккэ киирэннэр киһи үлэтин харыстыырга, сыаналыырга үөрэнэллэрин таһынан хамнастаналлар.
“eCOnam” сервиснэй этэрээккэ атырдьах ыйыгар 20 оҕо баарын олохтоох дьаһалта үлэһитэ Анна Слепцова этэр. Этэрээт оҕолоро үлэни таһынан, Нам ыччата проект чэрчитинэн араас хабааннаах тэрээһиннэргэ, бырайыактарга кытталлар.
Бу күннэргэ “eCOnam” оҕолоругар “Дети против пожара” акциянан Намнааҕы 23-с нүөмэрдээх ОГПС инструктора Лидия Иванова уоттан, баһаартан сэрэтэр быраабылалары билиһиннэрбит, буклеттары түҥэппит. Оҕолор огнетушителы хайдах туһанары, противогазтары хайдах кэтэри көрбүттэр, бэйэлэрэ эмиэ боруобалаан сыаналаабыттар. Ону тэҥэ, бириэмэҕэ баһаарынай таҥаһын кэтэн холоммуттар.
Баһаартан сэрэтэр, ойуулуур уруһуйдар күрэҕин түмүгүн Намнааҕы 23-с нүөмэрдээх ОГПС инструктордара балаҕан ыйын 7 күнүгэр Ленскэй нэһилиэк күнүгэр биллэриэхтэрэ, кыайыылаахтары наҕараадалыахтара. буолуоҕа.
Ленскэй нэһилиэк пресс-киинэ