Сааскы халаан уута таарыйбыт нэһилиэктэрэ ыраас иһэр ууга ыарахаттары көрсөллөр.
Ол да курдук Хатырык олохтоохторо булуустарыгар уу киирэн, хаһааммыт муустара туһата суох хаалан, иһиттэргэ уурбут муус уулара устан, иһэр уута суох хаалбыттара. Ону өйдөөн дьон ыарахан кэмигэр көмөлөһөр сыаллаах «Саха Фильтр» хааччахтаммыт тэрилтэ, директор Пестряков Эдвин Данилович уу ыраастыыр бэйэлэрэ айбыт прицептарын туруоран нэһилиэнньэни абыраатылар.
Олохтоох уолу Анатолий Олесовы үөрэтэн, билигин нэһилиэнньэ хаһан баҕарар кэлэн ыраас ууну ылар кыахтанна. Ыраас уу — доруобуйа төрдө. Бу ууну ыраастыыр прицеп өссө да уһуннук туран үлэлиирэ буоллар абыраныа этибит дэһэллэр хатырыктар. «Саха фильтр» тэрилтэҕэ босхо ыраас уунан хааччыйбытыгар махталлара улахан.
Хатырык пресс-киинэ