От ыйын 5-тэн 12 күнүгэр диэри Салбаҥ нэһилиэгэр ийэлэргэ, эбэлэргэ, эдьиийдэргэ анаан сайыҥҥы лааҕыр үлэлээтэ.
Лааҕыры Анастасия Протопопова тэрийдэ, тоҕус күн бэрт сэргэхтик, туһалаахтык ааста. Уопсайа 9 ийэ, эбэ сырытта.
Лааҕыр бастакы чааһыгар эмтээх үүнээйилэри үөрэттилэр, ол курдук, ньээм-ньээм оттон чэй, крапиваттан маас оҥордулар.
Нэһилиэк уран тарбахтаахтара Анастасия Павлова, Матрёна Захарова убаһа кутуругуттан олбох (арбаанча олбох) оҥорорго үөрэттилэр.
Кэлбит ийэлэр, эбэлэр үүттээх чэй иһэ-иһэ сэһэргэстилэр. Маннык лааҕыр тэриллибититтэн олус үөрдүлэр, «сэргэхсийдибит, аны кыһын маннык лааҕыр тэриллэрэ буоллар» диэн баҕа санааларын эттилэр.
Т. Касьянова, Салбаҥ