«Үрүҥ Күөл» бирииһигэр волейболга күрэх

Ахсынньы 7-8 күннэригэр Түбэ нэһилиэгэр 19-с төгүлүн «Үрүҥ Күөл» бирииһигэр волейболга улуустааҕы күрэх ыытыллыбыт. Эр дьоннорго — 10, дьахталларга 6 хамаанда киирсибит.

Хамаҕатта нэһилиэгиттэн дьахталлар хамаандалара ситиһиилээхтик кыттыбытын хапытаан, НКТЭ үлэһитэ, дэгиттэр спортсмен Анна Аргунова кэпсиир:

— Хамаандаҕа Саргылана Назарова — саха-француз лицейтэн физкультура учуутала, Виктория Уваровская — «Тускул» уһуйаан үлэһитэ, аҕас балыс Аэлина, Амелия Строевалар, Северьянова Нарияна — орто оскуола үөрэнээччилэрэ, Эльза Дьяконова — саха-француз лицей үөрэнээччитэ буолан кытынныбыт.

Хамаҕатта кыргыттарын хамаандата — бастакы, уолаттарбыт бэһис буоллубут. Ону таһынан, араас номинациялары ылан кэллибит: «Лучший игрок» — Аэлина Строева, бирииһэ — телевизор, «Лучший разыгрывающий» — Анна Аргунова, бирииһэ — мясорубка, «Ветеран — игрок» — Саргылана Назарова, «Семейные игроки» — Строевалар эмиэ сэмэй бэлэх туттулар. Хамаҕатталары Геннадий Павлов салайан илдьэ сырытта.

Уопсай түмүк: Кыргыттарга Хамаҕатта — бастакы, иккис — Түбэ-1, үһүс- Үөдэй. Уолаттарга: Түбэ-1 — бастакы, иккис — Партизан, үһүс — Үөдэй. Онтон хамаанданан миэстэҕэ олохтоох Түбэ-1 хамаандата бастаата, иккис — Хамаҕатта, үһүс — Үөдэй.

Түбэ нэһилиэгин дьаһалтата, олохтоохторо хамаанданан бастаабыттарга 1 м. иһин — биэс куул,  2 м. — үс куул, 3 м. икки куул собо уонна анал бириистэри олохтообуттар, күрэҕи олус тэрээһиннээхтик ыыттылар, «Үрүҥ Күөллэрин» ааттаттылар.

Мария Винокурова

Читайте дальше