Хатыҥ Арыыга ахсынньы 12-25 күннэригэр «Үтүө санаа харыйата» акцияҕа нэһилиэк дьаһалтата, тэрилтэлэр, депутаттар, общественность көхтөөхтүк кытталлар.
Быйыл акциянан сааһын ситэ илик биэстэн элбэх оҕолоох ыаллар Саҥа дьылы көрсө, минньигэс бэлэхтэри туттулар. Уопсайа 22 ыал, ол иһигэр 110 оҕо хабылынна. “Үтүө санаа харыйата” акция кыттааччылара И.Е. Винокуров аатынан Хатыҥ Арыы орто оскуолатын үөрэнээччилэрин уонна Граф Биэрэгин «Самородок» СК иһинэн үлэлиир “Хозяюшка” куруһуок оҕолорун сэмэй оҥоһуктарын тутуохтара.
Нэһилиэкпит олохтоохторун, урбаанньыттары сыллата ыытыллар саҥа дьыллааҕы акцияҕа көхтөөх кыттыыны ыларгытыгар ыҥырабыт!
Надежда Сивцева