2024 сыл түмүгүнэн бастыҥнар бэлиэтэннилэр

2024 с. Арассыыйаҕа «Дьиэ кэргэн», СӨ «Оҕо саас», улууспутугар «Оҕо спордун», нэһилиэкпитигэр «Тыа ыалын» сыллара биллэриллэн, ыытыллар үлэ барыта нэһилиэк сайдыытыгар, олохтоохтор олохторун уйгута тупсарыгар туһаайыллан ыытылынна.

Сыл устата нэһилиэк олохтоохторо, тэрилтэлэр үлэһиттэрэ, общественнай түмсүүлэр бары ыытыллар үлэлэргэ, дьаһалларга көхтөөхтүк кытыннылар. Ол курдук, үтүө үгэскэ кубулуйбут сылы үөрүүлээхтик түмүктүүр киэһэ — тохсунньу 23 күнүгэр «Сэргэлээх» сынньалаҥ киинигэр буолла.

Үөрүүлээх чааһы «Хомустаах 2-с нэһилиэгэ» МТ баһылыгын э.т. Сергей Саввич Никонов киирии тылынан аста. Бастыҥ көрдөрүүлээхтэргэ, көхтөөх олохтоохторго маннык анал ааттар ананнылар: «Бастыҥ тыа ыала» — Варвара Ивановна, Иннокентий Афанасьевич Протопоповтар; «Бастыҥ спортивнай дьиэ кэргэн» — Мария Александровна Протопопова, Айысхан Иванович Охлопков; «Сыл бастыҥ спортсмена» — Осипов Альберт;  «Нэһилиэк бастыҥ спортсмена» — Егор Николаевич Сивцев; «Бастыҥ тренер» — Петр Романович Уваровскай; «Үөрэххэ бастыҥ көрдөрүүлээх дьиэ кэргэн» — Ульяна Николаевна, Юрий Алексеевич Гоголевтар; «Бастыҥ түөлбэ салайааччыта» — Ефимова Екатерина Леонидовна; «Бастыҥ активист 2024с» — Богатенкова Анастасия Семеновна; «Олох-дьаһах коммунальнай хаһаайыстыбатын бастыҥ үлэһитэ» — Иван Ильич Попов, Михаил Михайлович Максимов; «Нэһилиэк 2024 сыл логотивын кыайыылааҕа» — Александра Романовна Слепцова.

Үөрүүлээх дьоро киэһэни Хомустаах 2-с нэһилиэгин уус-уран самодеятельноһын кыттыылаахтара киэргэттилэр. Кэлбит ыалдьыттар дуоһуйа астынан, үөрэн-көтөн тарҕастылар.

Саргылана Попова.

 

Читайте дальше