В.П. Артамонов аатынан Хамаҕатта саха-француз лиссиэйин естественнэй-математическай методхолбоһугун учууталлара 2025 сыл олунньу 8 күнүгэр иккис төгүлүн «3Дь. Дьоҕур. Дьарык. Дьулуур» үгэскэ кубулуйан эрэр улуустааҕы дьиэ кэргэн олимпиадатын ыыттылар.
Бу күрэҕи аан маҥнай математика учуутала Таркаева Анна Григорьевна 2007-08 үөрэх сылыгар тэрийэн саҕалаабыта. Ол кэмтэн сылын аайы бу олимпиада лиссиэй иһинэн тиһигин быспакка ыытыллан кэлбитэ. Былырыыҥҥы үөрэх сылыгар Арассыыйаҕа Дьиэ кэргэн, Саха өрөспүүбүлүкэтигэр Оҕо саас сылларыттан саҕыллан бастакы улуус таһымнаах олимпиада математика, тулалыыр эйгэ, физика предметтэрин хабан ыытыллыбыта. 6-7-с кылаас оҕолоро төрөппүттэрин кытта дьиэ кэргэн хамаандата буолан күрэхтэспиттэрэ. Барыта 27 дьиэ кэргэн хамаандата кыттыбыта.
Быйылгы үөрэх сылыгар улуустааҕы гимназияттан, Намнааҕы 1-кы, 2-с, 3-с нүөмэрдээх оскуолалартан, Хамаҕатта саха-француз лиссиэйтэн, I-кы Хомустаах, II-с Хомустаах, Партизан, Модут, Бөтүҥ, Салбаҥ оскуолаларыттан барыта 26 дьиэ кэргэн кытынна. 5-6-с кылаас оҕолоро төрөппүттэрин кытта кэлэн уруокка ылар билиилэрин таһынан, күннээҕи олоххо туттар сатабылларын, мындырдарын эрэйэр сорудахтары толордулар, тириттилэр-хоруттулар.
Олимпиадаҕа кыттыбыт дьиэ кэргэттэр бары да кыайыыга дьулуурдарын, дьоҕурдарын көрдөрдүлэр. Түмүктэрэ маннык буолла:
5-с кылаастарга:
3-с миэстэ – Аммосов Эрхан уонна Семенова Наталья Валерьевна, Партизан орто оскуолата;
3-с миэстэ – Эверстова Лена уонна Эверстов Яков Григорьевич, Н.С. Охлопков аатынан улуустааҕы гимназия;
3-с миэстэ – Потапова Айта уонна Лукина Анастасия Яковлевна, Е.С. Сивцев-Таллан Бүрэ аатынан Бөтүҥ орто оскуолата;
2-с миэстэ – Габышева Кира уонна Габышев Никита Иванович, Н.С. Охлопков аатынан улуустааҕы гимназия;
2-с миэстэ – Ширяев Айсиэн уонна Ширяев Михаил Пикович, Е.П. Сивцев аатынан II-с Хомустаах орто оскуолата;
Муҥутуур кыайыылаах, ол эбэтэр 1-кы миэстэ – Кобякова Лаура уонна Кобякова Лена Александровна, В.П. Артамонов аатынан Хамаҕатта саха-француз лиссиэйэ.
6-с кылаастарга:
3-с миэстэ – Атласов Вадим уонна Атласова Вера Викторовна, Н.С. Охлопков аатынан улуустааҕы гимназия;
3-с миэстэ – Никонова Софья уонна Абрамова Антонина Валерьевна, В.П. Артамонов аатынан Хамаҕатта саха-француз лиссиэйэ;
3-с миэстэ – Петров Арсен уонна Петрова Сардаана Семеновна, И.С. Гаврильев аатынан Намнааҕы 1-кы нүөмэрдээх орто оскуола;
2-с миэстэ – Лебедева Сайаана уонна Аммосова Кира Кировна, Н.С. Охлопков аатынан улуустааҕы гимназия;
2-с миэстэ – Попова Кристина уонна Саввинова Татьяна Валерьяновна, Е.С. Сивцев-Таллан Бүрэ аатынан Бөтүҥ орто оскуолата;
Муҥутуур кыайыылаах, ол эбэтэр 1-кы миэстэ – Алексеев Георгий уонна Алексеева Антонина Васильевна, Намнааҕы 2-с нүөмэрдээх орто оскуола.
Күрэх оҕо уонна төрөппүт алтыhар түгэнин үөскэтэр, оҕо үөрэтэр предметин нөҥүө удьуорунан бэриллибит дьоҕурун таба тайанарыгар, салгыы бэйэтин сатабылын сайыннарарыгар туһалаах буолуоҕа.
А.И. Петрова, МО салайааччыта