Хатыҥ Арыы нэһилиэгэр ахсынньы 5 — 22 күннэригэр олохтоох дьаһалта уонна саастарын ситэ илик оҕолору кытта үлэлэһэр общественнай сэбиэт көҕүлээһининэн, «Мода на ЗОЖ» диэн өйтөн суруйууга күрэх ыытылынна. Күрэххэ уопсайа 11 үлэ киирдэ.
Дьүүллүүр сүбэ түмүгү бүгүн, ахсынньы 25 күнүгэр, И.Е.Винокуров аатынан Хатыҥ Арыы орто оскуолатын линейкатыгар билиһиннэрдэ. Кыайыылаах уонна кыттыбыт бары үөрэнээччилэргэ, учууталларга «Хатыҥ Арыы нэһилиэгэ» МТ сүрүннүүр специалиһа Надежда Сивцева махтал суруктары, грамоталары туттарда.
Бастакы бөлөххө — 5-6 кылаастарга:
1 м. — Винокурова Карина, 5 «а» кыл.;
2 м. — Жиркова Анюта, 6 кыл.;
2 м. — Андреева Айыллаана, 6 кыл.;
3 м. — Замятин Никита, 6 кыл.;
3 м. — Макарова Селена, 6 кыл.
Иккис бөлөххө — 7-8 кылаастарга:
1 м. — 8 «а» кыл. (кылаас салайааччыта Сивцева С.И.);
2 м. — Винокурова Виола;
3 м. — Винокурова Алена;
3 м. — Бушуева Лиза.
Биһирэм бириистэр: Нестеров Ньургустан — 6 кыл., Эверстова Камилла — 6 кыл.
Оҕолору бэлэмнээн кытыннарбыт учууталлар: Дьяконова Сайыына Николаевнаҕа, Алексеева Алевтина Афанасьевнаҕа, Новгородова Матрена Дмитриевнаҕа махтал суруктары туттулар.
Бары кыттааччыларга үөрэхтэригэр, үлэлэригэр ситиһиини, чэгиэн доруобуйаны баҕарабыт! Кэлэр сылга чөл олоххо аналлаах уруһуй күрэҕэ ыытыллыаҕа.
Надежда Сивцева
Чөл олох — олохпут тирэҕэ
Чөл олох- олохпут тирэҕэ-
Доруобай буолуу төрдө.
Чэгиэн буолуҥ мэлдьи,
Чэбдик сылдьыҥ өрүү.
Чөл олох-олохпут тирэҕэ-
Арыгыны иһимэ,табаҕы тардыма.
Буортулаах аһы талыма,
Доруобуйаны алдьатыма.
Чөл олох-олохпут тирэҕэ-
Куһаҕаны тумнуохха,
Үчүгэйгэ тардыһыахха,
Чөл олоҕу талыахха!
Чөл олох- олохпут тирэҕэ-
Спордунан дьарыктаныахха,
Сырдыкка дьулуһуохха,
Ситиһиилээх буолуохха!
Винокурова Алена, И.Е.Винокуров аатынан
Хатыҥ Арыы орто оскуолатын 7 «а» кылааһын үөрэнээччитин үлэтэ.
Салайааччы: Новгородова М.Д., саха тылын учуутала.
Чэгиэн олох
Чэгиэн олох-
Арахсыбат аргыһым.
Чэгиэн олох-
Мин дьылҕам.
Чэгиэн олох-
Ситиһии үктэлэ.
Чэгиэн олох-
Чэбдик турук.
Чэгиэн олох-
Дьоллоох олох.
Чэгиэн олох-
Табыллыы.
Чэгиэн олох-
Чыпчаалы дабайыы.
Чэгиэн олох-
Үрдүккэ дьулуһуу.
Винокурова Виола, И.Е. Винокуров аатынан
Хатыҥ Арыы орто оскуолатын 7 «а» кылааһын үөрэнээччитэ.
Салайааччы: Новгородова М.Д., саха тылын учуутала.
Чөл олох
Табахтыыр көҥүллэммэт
Оҕоҕо уонна төрөппүккэ.
Чөл олох олус үчүгэй
Биһиэхэ, бары дьоҥҥо.
Хатаныма төлөпүөҥҥэ,
Күҥҥүн онно ыытыма.
Чэбдик салгыҥҥа сырыт,
Чэгиэн буоларга дьулус.
Спордунан дьарыктан,
Сүүр, ыстан, мээчиги эккирэт.
Сарсыарда аайы мэлдьи
Сэрээккэтэ оҥор.
Доруобуйаҕын харыстаа,
Чөл олохтоох буол!
Винокурова Карина, И.Е.Винокуров аатынан
Хатыҥ-Арыы орто оскуолатын 5 «а» кылааһын үөрэнээччитэ.
Салайааччы: Новгородова М.Д., саха тылын учуутала.
