Алтынньы 12 күнүгэр «Ленскэй нэһилиэк» МТ көҕүлээһининэн Аҕам саастаахтар күннэригэр анаммыт дуобакка уонна саахымакка күрэхтэһии тэрилиннэ. Саастаах бэтэрээннэр күрэхтэһиигэ тургутуһан илин-кэлин түһүстүлэр. Эр дьон дуобакка турнирдарыгар биир да хотторуута суох, 3 тэҥнэһиилээх, 6 кыайыылаах ,10-тан 7,5 очкону сурунан Намнааҕы кырдьаҕастар интернаттарын олохтооҕо 92 саастаах Егор Феофанов 1 м. ылан, кыайыы өрөгөйүн биллэ. Спорт бэтэрээнэ билигин да буорахтааҕын көрдөрдө, иннигэр кими да түһэрбэтэ. Киниттэн очко аҥарынан хаалан, биир да хотторуута суох, 5 кыайыылаах, 4 тэҥнэһиилээх Гаврил Дидоров (7 оч.) 2 м., 5 кыайыылаах, 3 тэҥнэһиилээх, 1 хотторуулаах Гаврил Сивцев (6,5 оч.) 3 м. ыллылар.
Дьахталларга бириистээх миэстэлэри үллэһиннилэр: 1 м. — Розалия Егорова (8 оч.), 2 м.—Лина Полякова (4,5 оч.), 3 м.—Галина Иванова (4 оч.).
Саахымат түмүгэ: эр дьоҥҥо 1 м. — Николай Иванов (6,5 оч.), 2 м.—Сергей Сыромятников (6 оч.), 3 м. – Анатолий Охотин (4,5 оч.), дьахталларга 1 м.—Галина Иванова, 2 м.—Розалия Егорова, 3 м. – Татьяна Евсеева.
Кыайыылаахтар бары грамотанан, мэтээлинэн наҕараадаланнылар. Күрэхтэһиини дуобакка РФ спордун маастара, дуобакка бэтэрээн дьахталларга Аан дойдутааҕы чемпионатын III призера уонна бэтэрээн дьахталларга Аан дойдутааҕы турнирын кыайыылааҕа, Европа бэтэрээннэргэ чемпионатын I, II, III миэстэлээҕэ, спорт бэтэрээнэ Розалия Егорова тэрийэн ыытта, судьуйалаата. Кини күрэхтэһии түмүгүнэн дьоһун ситиһиилэммит спортсменнарга бэйэтин аатыттан дуобат кинигэлэрин бэлэх уунна, сэмэй бэлэхтэри туттарда.
Касьян Олесов-Олук