Илья Винокуров-Чаҕылҕан аат. Нам алын сүһүөх оскуолатын үөрэнээччилэрэ, учууталлара, ветераннара, төрөппүттэр Билии күнүн М.К. Аммосов аат. культура дыбарыаһыгар бэлиэтээтилэр.
Быйыл оскуола боруогун 54 оҕо атыллаан, маҥнайгы кылааска киирдэ.
Үгэс быһыытынан кинилэри бастакынан оскуола директора Надежда Гаврильевна Слепцова уонна ыалдьыттар: «Буойун» түмсүү бэрэстэбиитэлэ Николай Захарович Васильев, «Ленскэй нэһилиэк» МТ баһылыгын солб. Петр Иванович Владимиров, үөрэх управлениетын социальнай-психологическай сулууспа киинин салайааччыта Новгородова Сахаяна Калистратовна, опека уонна попечительство отделын салайааччытын э.т. Любовь Афанасьевна Зырянова, Бүтүн Россиятааҕы «Движение первых» оҕолор уонна ыччаттар общественнай-государственнай хамсааһыннарын үлэтин Нам улууһугар тэрийээччи-специалист Анна Ильинична Ядрихинская эҕэрдэлээтилэр.
Бырааһынньыктааҕы линейка былаахтары туруоруттан уонна дойду, республика, улуус өрөгөй ырыаларыттан саҕаланна. Былаахтары күөрэччи тутан киллэрэр чиэс 4-с кылаас бастыҥ үөрэнээччилэригэр сүктэрилиннэ: Эверстова Николина 4 «а», Находкин Антон 4 «б», Сивцев Эльдар 4 «в» кылаас үөрэнээччилэрэ.
Саҥа үөрэх дьыла саҕаламмытын биллэрэр маҥнайгы чуорааны оскуола учууталлара: Станислав Яковлевич Андреев, Айсен Робертович Васильев маҥнайгы кылааска киирбит кыргыттарын кытта тыаһаттылар.
«Самолетик будущего» диэн акцияҕа төрдүс кылаастар үтүө баҕа санаалаах илиинэн оҥоһуллубут кумааҕы сөмөлүөттэри оскуола боруогун саҥа атыллаабыт оҕолорго туттардылар.
Маны тэҥэ «Спасибо Учителю!» долгутуулаах акция буолла. Ыалдьыттарга, төрөппүттэргэ, ветераннарга, учууталларга, дыбарыас тэрилтэлэригэр #авторскиеоткрытки_ННОШ бырайыагынан авторскай аккырыыккалар туттарылыннылар.
Мария Обутова
#Росдетцентр #Навигаторыдетства #СамолетикБудущего #СпасибоУчителю