Бүгүн Нам улууһун дуобакка Федерацията көҕүлээһининэн Аҕам саастаахтар күннэригэр анаммыт улуустааҕы дуобакка күрэхтэһии тэрилиннэ. Бэтэрээн эр дьон уонна дьахталлар эргиир систиэмэтинэн бииргэ оонньоотулар, уопсай түмүк таҕыста. Дуобат хонуутугар чыпчылҕан оонньууга (3 мүнүүтэҕэ) барыта 19 спортсмен күөн көрүстэ.
Күрэхтэһии түмүгэ: 1 м. хаачыстыбанан чорбойон Егор Леонтьев (14 оч., Хамаҕатта), 2 м. Анатолий Матвеев (14 оч., Хатыҥ Арыы), 3 м. хаачыстыбатын көрдөрүүтүнэн Геннадий Яковлев (13,5 оч., Партизан) ыллылар. Кинилэр грамотанан, мэтээллэринэн уонна улуустааҕы бэтэрээннэр Сэбиэттэрэ (бэрэсс. С.Д. Кобякова) спонсордаабыт кинигэлэринэн наҕараадаланнылар. 4 м. ылбыт Иван Леонтьев (13,5 оч., Никольскай) уонна 5 м. тиксибит Розалия Егорова (12,5 оч., Нам) эмиэ кинигэлэринэн бэлиэтэннилэр.
Улуустааҕы күрэхтэһиини дуобат энтузиаһа Анатолий Матвеев иилээн-саҕалаан ыытта уонна судьуйалаата.
Касьян Олесов