Аҕам саастаахтар күннэрин көрсө, Аппааны бөһүөлэгин социальнай үлэһитэ Сергей Егорович Дьяконов бэйэтэ көрөр-истэр аҕам саастаахтарыгар — Екатерина Петроваҕа, Екатерина Дорофееваҕа, Мария Протопопоповаҕа, Наталья Макароваҕа, Татьяна Михалеваҕа кэтэх хаһаайыстыбатыгар иитэр кустарыттан түҥэттэ. Кырдьаҕастар сибиэһэй кус миинин амсайаннар, үтүө санаалаах, кыһымньылаах Сергей Егоровичка махталлара муҥара суох.
Сергей Дьяконов 2019 сылтан саҕалаан Намнааҕы социальнай управление нөҥүө үлэлии сылдьар, билигин уопсайа сэттэ киһини дьиэҕэ көрөр. Дьиэ ис-тас үлэтигэр көмөлөһөр, быстах кыһалҕаларын быһаарсар. Маны таһынан, кини бэрт улахан кэтэх хаһаайыстыбалаах, хороҕор муостааҕы, араас көтөрү иитэр. Төгүрүк сыл устата нэһилиэнньэ дьонугар куурусса, перепелка, кус сымыыттарын атыыга таһаарар, маны тэҥэ тыа хаһаайыстыбатын дьаарбаҥкатыгар хаас, индюк этин атылаан, сонун аһы амсатар.
Надежда Сивцева