М.К. Аммосов аатынан СӨ Государственноһын историятын музейа (дир. А.В. Кириллин) көҕүлээһининэн саха норуотун чаҕылхай уола, биллиилээх государственнай, политическай деятель М.К. Аммосов улахан кыыһа Аэлита Максимовна Аммосова 100 сааһыгар анаммыт оҕолорго «Аэлита» уруһуй куонкуруһа тэрилиннэ. Манна Нам улууһун орто уопсай үөрэхтээһин оскуолаларын үөрэнээччилэрэ уонна З.П. Винокуров аатынан Намнааҕы оҕо искусствотын оскуолатын, кини филиалларын иитиллээччилэрэ тус-туһунан бөлөхтөргө Аэлита Максимовна уобараһын арыйарга холоммут бэйэлэрин айар үлэлэрин киллэрдилэр.
Эҥсиэли хочотун талааннаах оҕолорун уруһуйдарын И.Е. Винокуров аатынан Намнааҕы педагогическай колледж преподавателлэриттэн састааптаах дьүүллүүр сүбэ көрөн, сыаналаан түмүгү таһаарда.
Сергей Колесов, дьүүллүүр сүбэ бэрэссэдээтэлэ, СӨ үөрэҕин туйгуна, РФ үөрэҕириитин уонна иитиитин бочуоттаах үлэһитэ, РФ худуоһунньуктарын сойууһун чилиэнэ, НПК худуоһунньуктарын сэбиэтин бэрэссэдээтэлэ:
—Бүгүн биһиги киэн туттар уһулуччулаах киһибит, бөдөҥ государственнай, политическэй деятельбит М.К. Аммосов улахан кыыһа Аэлита Максимовна 100 сааһыгар анаммыт оҕолорго уруһуй куонкуруһун түмүгүн таһаардыбыт. Дьүүллүүр сүбэҕэ идэтийбит худуоһунньуктар киирэн, НПК-ҕа, Нам улууһугар эрэ буолбакка, өрөспүүбүлүкэҕэ киэҥник биллэр худуоһунньуктар Жиркова Анна Николаевна, Соловьева Дарья Лаврична, Романова Дарья Михайловна уонна мин буолан үлэлээтибит.
Куонкуруска кыттар оҕолор саастарынан сөпкө тыырыллыбыттар диэн сыаналаатыбыт. Хас биирдии үлэ композиционнай тутулун, профессиональнай толоруллуутун көрөн, бары өттүнэн ырытан, кичэйэн көрдүбүт, толору сыаналаатыбыт. Оҕолор үлэлэрэ сүрдээх грамотнайдык толоруллубуттар, көхтөөхтүк кыттыбыттар, элбэх үлэ киирбит. Онон хамыыһыйа аатыттан оҕолору, кинилэр учууталларын, төрөппүттэри Чаҕылхай Махсыым улахан кыыһын Аэлита Максимовна уобараһын дьүһүйүүгэ, арыйыыга ситиһиилээхтик кыттыбыттарынан истиҥник эҕэрдэлиибин, инникитин да аймыньылаах үлэлэри баҕарабын.
Дьүүллүүр сүбэ орто уопсай үөрэхтээһин оскуолаларын үөрэнээччилэрин ортотугар бастыҥ үлэлээхтэри быһаардылар – 7-10 саастаахтарга: 1м.-Федорова Алиса, 2м.-Муксунова Оля, 3м.-Александрова Мичийэ.
11-13 саастаахтарга: 1м.-Хохолова Сандаара, 2м.-Суздалова Сайыына, 3м.-Скрябина Санаайа. Бары Нам 3 №-дээх орто оскуолатын үөрэнээччилэрэ (сал. Васильева С.В.).
14-17 саатаахтарга: 1м.-Прокопьева Айталина, 9 кыл., Нам 1 №-дээх ОО (сал. Кузьмина С.К.), 2м.-Баишева Кристина, 10 кыл., Нам 1 №-дээх ОО (сал. Николаева И.А.), 3м.-Павлов Айан, 8 кыл., Нам 1 №-дээх ОО (сал. Иванова У.М.).
З.П. Винокуров аатынан Намнааҕы оҕо искусствотын оскуолатын, кини филиалларын иитиллээччилэрин ортотугар, 7-10 саастаахтарга: 1м.-Лебедева Вера, Намнааҕы ОИО (преп. Колодезникова К.И.), 2м.-Данилова Амелия, Хатыҥ Арыы фил. (преп. Шамаева С.Н.), 3м.- Протопопова Александра, Намнааҕы ОИО (преп. Колодезникова К.И.).
11-13 саастаахтарга: 1м.-Колосова Айта, Намнааҕы ОИО (преп. Христофорова Я.К.), 2м.-Федорова Анита, Намнааҕы ОИО (преп. Колодезникова К.И.), 3м.-Филиппова Анетта, Намнааҕы ОИО (преп. Колодезникова К.И.).
14-17 саастаахтарга: 1м.-Протодьяконова Айыына, Хатыҥ Арыы фил. (преп. Шамаева С.Н.), 2м.-Атласова Сардаана, Намнааҕы ОИО (преп. Христофорова Я.К.)
Нам улууһугар оҕолорго ыытыллыбыт «Аэлита» уруһуй куонкурсугар киирбит үлэлэр сотору Хатырыкка М.К. Аммосов аатынан СӨ Государственноһын историятын музейыгар көрдөрүүгэ туруоруллуоҕа.
Касьян Олесов-Олук