Хатыҥ Арыыга киэҥник тарҕана сылдьар, элбэх оҕо, төрөппүт болҕомтотун тардар “Дьыл кэмнэрин бэлэхтэрэ” остуоруйа буолуута. Мин интириэһиргээммин, олорор түөлбэм “Чороон” сынньанар кииҥҥэ бараммын Горьяна Максимовнаттан сиһилии ыйыталастым.
– Горьяна Максимовна, эн “Айар аартык” театр студиятын салайааччыта буолаҕын. Эйигиттэн мин ыйытыам этэ — театр студията хаһыс сылын үлэлиирий?
– Театр студията 2-с сылын саҥардыы үлэлээн эрэр, маҥнайгы сылын былырыыҥҥы үөрэх дьылыгар үлэлээбитэ, быйылгы үөрэх дьылыгар бу күһүҥҥүттэн иккис сыла.
– Манна хаһыс кылаас оҕолоро дьарыктаналларый?
– Алын сүһүөх кылаас оҕолоро дьарыктаналлар этэ, быйыл үһүс кылаастан бэһис кылаастар сылдьаллар. Үһүстэн аҕыйах оҕо баар уонна төрдүс, бэһис кылаастар.
– Былырыын туох ситиһиилээх этигитий?
– Былырыын биһиги аҕыйахтык дьарыктанан бараммыт, күһүнтэн олунньуга Нарыйаана Судинова дипломнай үлэтигэр “Мин өлүөхпүн баҕарбаппын” диэн спектакль туруорбуппут. Ити үлэбитинэн биһиги араас конкурстарга кыттыбыппыт. Биир улахан конкурспут буолар, өрөспүүбүлүкэтээҕи Мэҥэ Хаҥалас Майатыгар “Туос мааска” диэн театральнай конкурска кыттыбыппыт. Онно оҕолорбутун илдьэ баран, 1-кы истиэпэннээх лауреат буолбуппут уонна Злата Изюмская “Лучшая женская роль” буолбута. Толя Сивцев “Лучшее мужская роль” буолбута, “Лучший театральный коллектив” анал аат ылбыппыт. Намҥа улуустааҕы “Смотр театров” диэҥҥэ кыттаммыт Гран-При буолбуппут уонна Злата Изюмская иккистээн “Лучшая женская роль” буолбута. Мин бэйэм “Лучший руководитель” диэн анал аат ылбытым.
Биирдиилээн ыллахха, оҕолор хоһооҥҥо ситиһиилэрдээхтэр. Бу күһүн үһүс кылаас кыргыттара Иванова-Макарова Амелия, Матвеева Тускуллаана уонна Стрекаловская Намина “Я-Профи” улахан өрөспүүбүлүкэтээҕи краткометражка диэн категориялаах чемпионакка 3-с истиэпэннээх дипломант буолбуттара.
– “Дьыл кэмнэрин бэлэхтэрэ” – остуоруйаны көрөөччүлэргэ быстахтык угуйуктаа.
– “Дьыл кэмнэрин бэлэхтэрэ” диэн кэпсээн. Ол кэпсээҥҥэ олоҕуран оҥоһуллубут сценарий. Сценарийын бу күһүн толкуйдаабытым. Бэйэтин жанра “театрализованнай көстүү” диэн буолар. Манна “Айар аартык” студия оҕолоро бары кытталлар, бары оруоллаахтар. Манна кыттыыны ылыахтара бэйэбит Хатыҥ Арыы орто оскуолатын оҕолоро: үһүс, төрдүс, бэһис кылаастар.
Хас биирдии оҕо бэйэтэ туспа оруоллаах, тыллаах. Онон үлэлииргэ ыарахан, ол да буоллар, мин санаабар үчүгэй остуоруйа туран эрэр.
– Махтал, Горьяна Максимовна. Буолаары турар оскуола оҕолорун “Дьыл кэмнэрин бэлэхтэрэ” остуоруйа олус интэриэһинэй эбит. Элбэх көрөөччү кэлиэ диэн эрэнэбин.
Охлопкова Нарыйаана,
И.Е. Винокуров аатынан Хатыҥ- Арыы оскуолатын 5-с кылаас үөрэнээччитэ
“Дьыл кэмнэрин бэлэхтэрэ” остуоруйаҕа сүрүн оруоллары толоруохтара:
Күөрэгэй – Максимова Ангелина (5 “а” кыл.);
Кэскил – Евсеев Егор (5 “а” кыл.);
Ийэ – Афанасьева Айгылаана (5 “б” кыл.);
Аҕа – Максимов Мирослав (5 “а” кыл.);
Чуор Хара – Макаров Антон (5 “а” кыл.);
Күһүн – Сивцева Сайнаара (5 “а” кыл.);
Кыһын – Алексеева Лейла (5 “а” кыл.);
Саас – Егорова Ильяна (5 “а” кыл.);
Сайын – Эверстова Элина (5 “а” кыл.).