Нам кикбоксердара Саха сирин сүүмэрдэммит хамаандатыгар киирэннэр Алдаҥҥа олунньу 9-23 күннэригэр дьарыктарын күүһүрдэллэр. Кикбоксаҕа сүүмэрдэммит хамаанда Уһук Илин бастыыр иһин күрэхтэһиигэ сборданар.
Нам улууһун “Олимпик” спорт оскуола иитиллээччилэрэ Абрамов Арылхан, Сивцев Андрей, Охлопкова Влада, Халдеев Руслан, Авксентьев Тимур, Попов Арьян, Габышев Ярослав уонна Захаров Богдан кыһамньылаах дьарыктара сыаналанныҥ.
“Дьокуускайга кикбоксаҕа биир дойдулаахпыт Александр Иванов кэриэһигэр Уһук Илин бастыыр иһин күрэхтэһии олунньу 27 күнүгэр буолаары турар. Ньурбаттан төрүттээх кикбоксер Александр Иванов Сэбиэскэй Сойуустан аан дойду бастакы чемпиона буолар”, – диир тренер Дмитрий Черноградскай.
Харысхан Попов