Нам сэлиэнньэтин “Ипподром” түөлбэтэ Саҥа дьыл уһун сынньалаҥнарыгар “Коллекционердар” онлайн күрэхтэрин тэрийэн ыыппыта. Хас биирдии уулусса Далбар хотуттара дьикти кэрэ дьарыктарын хаартыскалаан, видеолаан ыыппыта.
Светлана Кутукова дьикти кэрэ таҥастаах куукула арааһын мунньар эбит. Көрбүт эрэ киһи араас дойдуга тиийэн ылар курдук. Өссө кэмпиэт суутун, боруос арааһын мунньар эбит;
Лариса Решетникова араас гжель, күөх өстүөкүлэ иһиттэри, кыра чаанньыктары мунньар эбит;
Мария Колосова дьиэлэри мунньар эбит. Араас дьикти дьиэлэр уоттара ыраахтан ыҥыра-угуйа турарга дылылар;
Татьяна Бугаева араас элбэх фарфоровай статуэткалары мунньар, бииртэн биир кэрэ оҥоһуулаахтар туттан-хаптан тураллара дьикти, кэрэ көстүү;
Лена Колпашникова араас элбэх слон коллекциятын муспут. Киниэхэ дьикти араас слоннар бааллар;
Елена Муксунова кэрэ атах таҥаһын сувенирдарын мунньар. Дьэ, манна баар эбит атах таҥаһын эриэкэһэ, кэрэтэ. Киһи эрэ ылан кэппит киһи дии саныыгын;
Сардана Павлова элбэх да араас открыткалары, урукку таас харыйа оонньуур арааһын мунньубута эмискэ урукку кэмҥэ киирэн ылары санатар;
Алдана Алексеева фантик, открытка арааһын муспут. Хас эмэ альбом буолбут коллекцията оҕо саас кэрэ кэмигэр үктэннэрэн, төнүннэрэн ылбыта.
Саамай кэрэтэ, Александра, Анатолий Степановтар дьиэ кэргэн коллекциялара бэйэтэ музейга туруоруллар коллекция буолара билиннэ. Оҕуруо, браслет арааһа, тимэх, уруучука, значок барыта биир миэстэҕэ ууруллан тураллар. Маны эрэ көрбүт барыта наһаа да сөбүлүү көрөр. Барытын ханна баҕарар хомуйан илдьэ барарга хопполоохтор.
“Ипподром” түөлбэ олохтоохторугар уһун өрөбүллэр сэргэхтик аастылар. Бүгүҥҥү күҥҥэ түөлбэбитигэр тэрээһиннэр ыытылла тураллар.
“Ипподром” түөлбэ актива