От ыйын 1 күнүгэр, «Азия оҕолоро» Норуоттар икки ардыларынааҕы VIII спорт оонньуутугар күрэхтэспиттэрэ алтыс күннэрэ.
Бүгүн спорт 12 көрүҥэр илин-кэлин түсүһэллэр. Ол курдук чэпчэки атлетика; баскетбол (3х3); бокс; скалолазание; волейбол (кыргыттар, уолаттар); мини-футбол (футзал); дзюдо – барыллааһын күрэхтэһии, финал; харбааһын – финал; спортивнай тустуу – барыллааһын күрэхтэһии, финал; буулдьанан ытыы; саахымат; Го оонньуу – барыллааһын күрэхтэһии, финал.
Сарсыҥҥы боксаҕа барыллаан киирсиигэ Нам 1-кы №-дээх оскуола үөрэнээччитэ, «Олимпик» спорт оскуолатын иитиллээччитэ Алина Аммосова киирсиэҕэ, тренерэ Дмитрий Захаров. Итиэннэ, кикбоксинг саҕаланыаҕа, бу күрэхтэһиигэ Нам 1-кы №-дээх оскуола үөрэнээччитэ Маркел Саввинов уонна Намнааҕы педколледж студена Ярослав Габышев киирсиэхтэрэ, тренер Дмитрий Черноградский.
Быһа биэрии: https://www.cagic.org/translations
Семен Аргунов