Бүгүн, бэс ыйын 10 күнүгэр, Амма улууһун олохтоохторо VIII «Азия оҕолоро» норуоттар икки ардыларынааҕы спорт оонньууларын уотун уруйдуу көрүстүлэр.
Санаттахха, «Азия оҕолорун» уотун кулун тутар 19 күнүгэр «Өлүөнэ очуостара» национальнай пааркаҕа умаппыттара. 100 күн эстафета бары улуустарга тиийэн, барыта 37 тыһыынча километры айанныахтаахтар. Бэс ыйын 26 күнүгэр Дьокуускай куоракка тиийиэхтээх. Онтон Нам улууһугар «Азия оҕолоро» уотун бэс ыйын 17 күнүгэр көрсүөхпүт.
Факелы «Нам улууһа» МТ баһылыга Юрий Слепцов, улуус депутаттарын сэбиэтин бэрэссэдээтэлэ Алексей Винокуров, спорт уонна физическэй култуура управлениетын начальнига, «Манчаары оонньуулара» чемпиона Павел Иванов, оҕолорго Россияҕа көҥүл тустууга аҕа тренер, көҥүл тустууга аан дойду кубогын хаһаайына Петр Юмшанов, РСС саахымакка тренерэ, дуобакка аан дойду чемпионатын боруонса призера Александр Азаров, И.Е. Винокуров аатынан Намнааҕы педколледж тренер-преподавателэ, «Дыгын оонньуулара» чемпиона Юрий Эверстов, «Дыгын оонньууларын» 7 төгүллээх чемпиона Николай Дьяконов, йога тренерэ, саахымакка Уһук Илин федеральнай уокурук чемпиона Виринея Кутукова, мас-рестлиҥҥэ аан дойду чемпиона Анатолий Гладков, Саха сирин спортивнай оонньууларын чемпиона Клавдия Шелковникова, бэтэрээннэр ортолоругар көҥүл тустууга аан дойду чемпионатын боруонса призера Александр Румин, волейболга Саха сиригэр оҕолорго аҕа тренер Айсен Жерготов, СӨ көҥүл тустууга аҕа тренер э.т., пляжнай тустууга аан дойду чемпиона Вадим Семенов, оҕолор ортолоругар Уһук Илин федеральнай уокурукка чэпчэки атлетика чемпиона, И.Е. Винокуров аатынан Намнааҕы педколледж 3-с курсун студена Ангелина Иванова, кикбоксиҥҥа Россия чемпионатын боруонса призера, Дьокуускай куорат №31-дээх оскуолатын 10 кыл. үөрэнээччитэ Ариан Попов тутан сүүрүөхтэрэ
«Азия оҕолоро» норуоттар икки ардыларынааҕы спорт оонньуулара Дьокуускайга бэс ыйын 25-тэн от ыйын 7 күнүгэр ыытыллыаҕа.
Семен Аргунов