“Азия оҕолоро” VIII-с норуоттар икки ардыларынааҕы оонньуу кэмигэр 80-тан тахса культура тэрээһинэ ыытыллыаҕа.
Маныаха Дьокуускай общественнай былаһааккалара барылара кэриэтэ туһаныллыахтара.
Бэс ыйын 18 күнүгэр дойду президенэ Владимир Путин кэлэ сылдьан Саха сирин олохтоохторун талааммытын, төрүт культураҕа харыстабыллаах сыһыаммытын бэлиэтээбитэ уонна оҕону, ыччаты уус-уран иитии сайыннарыы иһин махтаммыта.
“Культура тэрээһиннэрин тэрийээччилэр аралдьытар, сынньатар программа төһө кыалларынан киэҥ ис хоһоонноох, интэриэһинэй буоларын туһугар улахан болҕомтолорун уурдулар. Күн аайы сарсыарда 11 чаастан киэһэ хойукка диэри Дьокуускай киин болуоссаттарыгар кэнсиэрдэр ыытыллыахтара. Улахан быыстапкалар, фестиваллар буолуохтара. Онон оҕолору уонна улахан дьону тэҥинэн интэриэһиргэтэр программа күүтэр” , — диэн Саха сирин культуратын уонна духуобунай сайдыытын министрэ Афанасий Ноев иһитиннэрдэ.
Оонньууга саҥа киллэһигинэн, Комсомол болуоссатыгар, «Туймаада» стадион таһыгар, Культура пааркатын оҥоһуу буолла. Манна оонньуу кыайыылаахтарын наҕараадалыахтара, араас тэрээһиннэр, кэнсиэрдэр ыытыллыахтара.
Бэфэ информ.