Бартыһааҥҥа Эргэ Саҥа Дьыл үөрүүтэ

Партизан нэһилиэгэр Эргэ Саҥа Дьылынан  үгэскэ кубулуйбут тэрилтэлэр икки ардыларыгар ыытыллар «Китайский Новый год» дьүһүйүүлэри көрдүбүт.

Тэрилтэлэрбит ох курдук оҥостубуттар, бииртэн биир үчүгэй дьүһүйүүлэр буоллулар. Араас кытай остуоруйаларын туруордулар,  уоттаах- күөстээх тэрээһиннэр буоллулар, үҥкүүлээтилэр, ырыалар дьиэрэйдилэр.

Тыҥааһыннаах киирсии кэнниттэн үһүс миэстэни библиотека, вет. учаастак, музей, спортзал уонна олохтоох дьаһалта холбоһуктаах тэрилтэлэрэ — баһылык Алексей Зырянов, иккис миэстэни оскуола хамаандата — директор Надежда Аммосова,  муҥутуур кыайыылаах уһуйаан үлэһиттэрэ быйыл да иннилэрин бирбэтилэр —  сэбиэдиссэй Саргылана Протопопова.

Махтал буоллун, нэһилиэкпит туруу үлэһиттэригэр, санааларын ууран оҥостон кэлэн кыттыбыттарыгар, сэргэх тэрээһини бэлэхтээбиттэригэр.

Полина Скрябина