Бүгүн, ыам ыйын 29 күнүгэр, ИДьУО бэтэрээннэрин 6 киһилээх, иккис халыҥ хамаандата, Руслан Куличкин салайааччылаах, Модукка Евгений Тереховка, Граф Биэрэгэр Константин Москвитиҥҥа тиэргэн бэрээдэгин олохтоотулар.
Ол курдук Модукка олбуор күрүөтүн оҥордулар, дьиэ тиэргэнин ыраастаатылар. Граф Биэрэгэр 70 саастаах бэтэрээн уу ылбыт дьиэтин иһиттэн мебелин таһырдьа сарахыта таһаардылар, ону таһынан көтүрүү үлэтин ыыттылар. Бу ууттан эмсэҕэлээбит бэтэрээннэр бэйэлэрин кэмнэригэр, олорор нэһилиэктэригэр участковайынан үлэлээн, араас быһылааннары быһааран, дьон махталын ылыан ылбыттара.
Маны таһынан, харчынан сэмэй көмө оҥордулар. Константин Москвитин чааһынайыгар 10 төбө ынах тутар эбит, уу кэлэрин көһүппэккэ олорбут кырдьаҕас, ыксалга ынахтарын ууттан өрөһүйэ сылдьан бэйэтэ тымныйбыт.
Лена Корякина