Намнааҕы территориальнай быыбардыыр комиссия председателэ Николай Парников быыбар түмүгүн иһитиннэрдэ.
— Улууспутугар балаҕан ыйын 8 күнүгэр быыбар этэҥҥэ ааста. Биир да үҥсүү киирбэтэ, мөккүөр тахсыбата.
Алта муниципальнай тэриллиигэ быыбар ыытылынна: «Нам улууһа» муниципальнай тэриллии депутаттарын сэбиэтигэр Үөдэйдээҕи 1 N-дээх биир мандаттаах быыбардыыр уокурукка депутаты уонна 5 нэһилиэккэ: 1 Хомустаахха, Таастаахха, Искраҕа, Хатыҥ Арыыга, Хатырыкка баһылыктары талыы. Манна испииһэккэ уопсайа 4593 быыбардааччы баарыттан, 2207 киһи кэлэн быыбарга кыттынна, ол 48,05 % тэҥнэстэ.
Үөдэйдээҕи 1 N-дээх биир мандаттаах быыбардыыр уокуругар Николаев Филипп Васильевич 79,32% ылан кыайда. Муксунов Авксентий Прокопьевич – 5,25 %, Ядреев Андрей Петрович 15,03 % ыллылар. Испииһэккэ 750 быыбардааччы баарыттан 266 киһи кытынна, ол 35,47 %-ҥа тэҥнэстэ.
Жирков Василий Гаврильевич
1 Хомустаах нэһилиэгэр Жирков Василий Гаврильевич 86,52 %-ны ылан кыайда, оттон Иванов Игорь Иванович 12,38 % ылла. Испииһэккэ 1083 быыбардааччы баарыттан 549 киһи кытынна, ол 50,69 %-ҥа тэҥнэстэ.
Аргунов Сергей Иванович
Таастаах нэһилиэгэр Аргунов Сергей Иванович 41,35 %-ны ылан, баһылыгынан талылынна. Горохов Егор Николаевич – 33,08 %, Иванов Николай Николаевич – 0,75 %, Паньков Трофим Романович 23,30 %-ны ыллылар. Испииһэккэ 197 быыбардааччы баарыттан 133 киһи кытынна, ол 67,51 %-ҥа тэҥнэстэ.
Новгородов Андрей Григорьевич
Искра нэһилиэгэр 65,85 %-ны ылан Новгородов Андрей Григорьевич кыайда. Оттон Дмитриев Афанасий Кирсанович – 31,70 %, Гоголев Айысхан Григорьевич 1,21 %-ны ыллылар. Испииһэккэ 105 быыбардааччы баарыттан 82 киһи кытынна, ол 78,09 %-ҥа тэҥнэстэ.
Ноговицын Иван Дмитриевич
Хатыҥ Арыы нэһилиэгэр Ноговицын Иван Дмитриевич 88,54 %-ны ылан кыайда, оттон Павлов Альберт Алексеевич 11,35 %-ны ылла. Испииһэккэ 1851 быыбардааччы баарыттан 855 киһи кытынна, ол 46,19 %-ҥа тэҥнэстэ.
Ноговицын Артур Егорович
Хатырык нэһилиэгэр 89,44 %-ны ылан Ноговицын Артур Егорович баһылыгынан талылынна. Оттон Кутукова Марина Иннокентьевна 8,38 %-ны ылла. Испииһэккэ 607 быыбардааччы баарыттан 322 киһи кытынна, ол 53,04 %-ҥа тэҥнэстэ.
Майя Федорова