Сэтинньи 29 күнүгэр С.П. Оконешников аатынан «Айылгы» культура киинигэр саха советскай литературатын төрүттээччи, биллиилээх общественнай, политическай деятель Платон Алексеевич Ойуунускай төрөөбүтэ 130 сылыгар аналлаах «Аата ааттанар, ырыата ылланар» диэн литературнай биэчэр буолан ааста.
Бу күн суруйааччы өлбөт-сүппэт айымньыларын: «Ийэм Дьэбдьэкиэй уҥуоҕар» Мария Уваровская, «Син биир буолбаат» Егор Софронов, «Крым» Александра Соловьева, «Былыт» Мариянна Данилова, «Бырастыы» Семен Стручков, «Көҥүл ырыата» 5 кылаас уолаттара «Хотойук» куруһуок Данилов Арылхан, Лобанов Рустам, Еремеев Арчын, Сивцев Максим (сал. Протопопова Т.Р) иэйиилээхтик аахтылар.
Былатыан Ойуунускай «Өйдөөх оҕо», «Үчүгэй үллэһик» айымньыларын оонньоон көрдөрдүлэр «Мааска» куруһуок оҕолоро: Радмир Попов, Ярослав Эверстов (сал. Протопопова Т.Р) уонна драм. куруһуок (сал.Данилова М.М.) кыттааччылара Александра Соловьева, Михаил Кугданов, Аина Васильева, Семен Стручков, Ярослав Эверстов. Ыччат үҥкүү коллектива (сал. М.Г. Захарова). эҕэрдэ үҥкүүнэн киэргэттэ.
Биэчэри олохтоох модельнай библиотека сэбиэдиссэйэ Валентина Колесова ыытта. Бу күн «Мин тылым — мин тохтор тойугум» кинигэ быыстапката, суруйааччы олоҕун кэпсиир презентация көрдөрүлүннэ.
Улуу убайбыт Былатыан Ойуунускай аата өссө да үйэлэргэ ааттана, айымньылара ааҕылла туруохтара диэн эрэнэбит.
Алиана Лобанова, Вика Сивцева, Е.С. Сивцев — Таллан Бүрэ аатынан Бөтүҥ орто оскуолатын МЕДИА-КЛАСС корреспонденнара