Саха Өрөспүүбүлүкэтин ыксаллаах быһыы-майгы министиэристибэтин Нам оройуонун надзордуур уонна сэрэтии үлэтин ыытар отделениета сэрэтэр!
Ыам ыйын 23 күнүгэр Нам улууһугар бастакы ойуур баһаара бэлиэтэннэ. Нэһилиэнньэлээх пуунтан – Үөдэйтэн (6 км кэриҥэ тэйиччи) 3 гаа ойуур умайара биллибитэ. Ыам ыйын 24 күнүгэр сарсыарда 10 чаас 00 мүнүүтэҕэ баhаары умулларар анал үөрэхтээх үлэhиттэр уоту саба туттулар.
Тустаах уорган үлэhиттэрэ хонтуруолга ылан дьарыктана сылдьаллар.
Саха сиригэр баһаартан кутталлаах буолуу сезона биллэриллэн турар. Ойуурга сылдьааччылары уоттан сэрэхтээх буолуу быраабылаларын тутуһаргытыгар ыҥырабыт.
Дьалаҕай быhыы ойуур баhаарын төрдө буоларын умнумаҥ. Күн-дьыл саҥардыы көнөн, бу күннэргэ сылаас-итии күннэр тураллар, онон бары даҕаны күөх тыабытын баһаартан харыстыаҕыҥ.
Баһаар үксүн дьон дьалаҕайыттан, сэрэҕэ суоҕуттан тахсарын өйдөөҥ! Табах тардан баран мээнэ быраҕымаҥ, бөҕү уматан баран, уоту-күөһү көрүүтэ-истиитэ суох хаалларымаҥ, барыта баһаарга тиэрдэрин өссө санатабыт.
Саха Өрөспүүбүлүкэтин ыксаллаах быһыы-майгы министиэристибэтин Нам оройуонун надзордуур уонна сэрэтии үлэтин ыытар отделениета