Дуобаты өрө көтөҕөр күрэхтэһиилэр буолаллар

Намнааҕы общественник дьиэтигэр ахсынньы 7-8 күннэригэр нуучча дуобатыгар дьахталларга уонна эр дьоҥҥо улуустааҕы күрэхтэһии буолбут.

Күрэхтэһиигэ барыта 27 дуобаччыт кыттыыны ылбытын “Олимпик” спорт оскуолатын дуобакка тренерэ Надежда Протопопова этэр. Улуустааҕы күрэхтэһиигэ “Олимпик” спорт оскуола уонна Ньургун Тимофеев аатынан Олимпийскай эрэл спорт оскуолатын иитиллээччилэрэ дьахталлар бөлөхтөрүгэр киирэннэр оонньообуттар. Оттон быйыл спорт маастарын нуорматын толорбут КСК иитиллээччитэ Данилова Анита эр дьон бөлөҕөр бэйэтин холоммут.

Эр дьоҥҥо, 1-кы миэстэ Иннокентий Лаврентьев, 2-с миэстэ Григорий Кычкин уонна 3-с миэстэ Данилова Анита буолбуттар. Дьахталларга 1-кы миэстэ спорт маастара Розалия Егорова, 2-с миэстэ Амбросьева Арина (“Олимпик”) уонна 3-с миэстэ Анисия Эверстова буолбуттар.

Харысхан Попов

Читайте дальше