Кулун тутар 22 күнүгэр Нам улууһун Е.М. Шапошников Хамаҕатта орто оскуолатыгар СӨ үөрэҕириитин туйгуна, саха тылын сайыннарыыга айымньылаахтык үлэлээбит дьиҥ сахалыы тыыннаах, ураты көрүүлээх учуутал Захарова Степанида Афанасьевна аатын үйэтитэр, иитэр-үөрэтэр үлэтин салгыыр аналлаах алын сүһүөх учууталларыгар саха тылыгар өрөспүүбүлүкэтээҕи олимпиада буолан ааста.
Өрөспүүбүлүкэ араас муннуктарыттан Үөһээ-Бүлүү, Чурапчы, Таатта, Хаҥалас улуустарыттан, Дьокуускай куорат 38, 19 нүөмэрдээх оскуолаларыттан, Дьокуускай куорат национальнай гимназиятыттан 23 алын сүһүөх учууталлара кэлэн кыттыыны ыллыллар.
Олимпиада түөрт түһүмэҕинэн ыытылынна. Кыттааччылар саха тылыгар, литературатыгар билиилэрин, сатабылларын, үөрэтэр таһымынарын тургутан көрдүлэр. Ол кэннэ айар үлэ суруйдулар, айымньыны хомоҕойдук аахтылар.
Күн иккис аҥаарыгар учууталлар төрөөбүт тылы үөрэтии тула санаа атастаһан, саҥаны, сонуну билэн-көрөн баай уопуттарын кэҥэттилэр, хаҥаттылар.
Түмүккэ кыайыылаахтарынан таҕыстылар:
«Саамай эдэр кыттааччы» анал аат –Данилова Екатерина Степановна, З.П. Саввин аатынан Үөдэй орто оскуолата (Степанида Афанасьевна бииргэ үөрэммит оҕолорун харчынан анал бирииһэ).
«Бастыҥ хомоҕой тыллаах ааҕааччы» анал аат – Сивцева Мария Валерьевна, Е.С. Сивцев – Таллан Бүрэ аатынан Бөтүҥ орто оскуолата (Степанида Афанасьевна бииргэ үөрэммит оҕолорун харчынан анал бирииһэ).
«Төрөөбүт тылы үөрэтиигэ баай уопут» анал аат – Александрова Мария Тимофеевна Үөһээ-Бүлүүтээҕи Д.С. Спиридонов аатынан гимназия (Хамаҕатта орто оскуолатын бирииһэ — ламинатор).
«Литератураҕа бастыҥ үлэ» анал аат – Рахлеева Матрена Петровна Таатта улууһун Ытык-Күөл 2 №-дээх орто оскуолата (Алын сүһүөх учууталларын бирииһэ — колонка).
«Саха тылыгар бастыҥ үлэ» анал аат – Шадрина Марфа Ивановна, Нам улууһун Никольскай алын сүһүөх оскуолата (Таатта улууһун Баайаҕа нэһилиэгиттэн Степанида Афанасьевна дьүөгэлэрин анал бирииһэ – төрүччү кинигэтэ).
«Айар куттаах учуутал» анал аат – Трофимова Валентина Михайловна, Хаҥалас улууһун II Малдьаҕар орто оскуолата (Степанида Афанасьевна пединститукка бииргэ үөрэммит оҕолорун харчынан анал бирииһэ).
«Бастыҥ айар үлэ» анал аат – Миронова Февронья Николаевна, Чурапчы улууһун Г.Д. Протодьяконов аатынан Алаҕар орто оскуолата (Степанида Афанасьевна пединститукка бииргэ үөрэммит оҕолорун харчынан анал бирииһэ).
Добун сурук III үрдэл — Иванова Галина Васильевна, Нам улууһун Хатырык орто оскуолата (Степанида Афанасьевна бииргэ төрөөбүттэрин анал бирииһэ — аэрогриль).
Добун сурук II үрдэл – Варламова Елена Николаевна Дьокуускай куорат 38 № –дээх орто оскуолата (Степанида Афанасьевна бииргэ төрөөбүттэрин анал бирииһэ — принтер).
Добун сурук I үрдэл – Чуручанова Наталья Васильевна, Үөһээ-Бүлүү Исидор Барахов аатынан 1 №-дээх орто оскуолата (Степанида Афанасьевна бииргэ төрөөбүттэрин анал бирииһэ — телевизор).
Бары кыттааччыларга, олимпиада тэрээһинигэр күүс-көмө буолбут дьоҥҥо ис сүрэхтэн махталбытын тиэрдэбит. Сахалыы сайаҕастык саҥарар, иэйиибитин истиҥник этинэр Ийэ тылбыт үйэлэргэ сүппэккэ үүнэ-сайда турдун!
Е.М. Шапошников аат. Хамаҕатта орто оскуолата