Нам улууһун Бөтүҥ нэһилиэгэр, Арассыыйа президенэ Владимир Путин көҕүлүүр “Жилье и городская среда” национальнай бырайыак чэрчитинэн, «Хаарбах туруктаах дьиэттэн дьону көһөрүү» программанан икки уонна түөрт квартиралаах толору хааччыллыылаах таас дьиэлэр үлэҕэ киирдилэр. Бу туһунан “Нам улууһа” МТ пресс-сулууспата иһитиннэрэр.

Владимир Горохов салайааччылаах «Фордевинд» ХЭТ туппут саҥа дьиэлэр хаһаайыттарын улуус баһылыга Юрий Слепцов, Бөтүҥ нэһилиэгин баһылыга Михаил Макаров, «Фордевинд» ХЭТ инженерэ Альберт Максимов эҕэрдэлээтилэр. Саҥа квартиралар уулара-хаардара бэлэм, суунар-тараанар санузел баар.

Бөтүҥ нэһилиэгин баһылыга Михаил Макаров:

— Саҥа дьиэлэрбит тутуулара былырыын саҕаламмыттара уонна быйыл былааннаммыт болдьоҕор, халлаан сылааһыгар үлэҕэ киирдилэр. Олохтоохтор үөрэ-көтө сылаас-сырдык, толору хааччыллыылаах дьиэлэргэ көһөргө бэлэмнэр.

Хаартыскалар: «Нам улууһа» МТ пресс-сулууспата