Тымныыкан дойдубут
Тапталлаах сахабыт сирэ
Төрүт аалын хампаанньата
Тулхадыйбат Арассыыйа кыната.
Туйгуннаахай пилоттар
Тигинэс мотуору баһылаан,
Тумаҥҥа да уйдаран,
Талбыт сири буллараллар.
Туруук таас хайалары,
Тайаан сытар тыалары,
Толбоннурар толооннору,
Тоҕойдору туорууллар.
Тайаара көтөр кынаттаах
Талыы маҥан ааллаах
Табыгастаах салгын суолун
Талымастаан ылабыт.
Тэтимнээх олоххо
Тупса турдун салгын аала!
Тала туруохпут өрүүтүн
Түргэн сырыылаах көлөнү!
Мария Винокурова