Хамаҕаттаҕа Саха сирин гиирэ спордун маастара Афанасий Дьячковскай бирииһигэр гиирэҕэ өрөспүүбүлүкэтээҕи күрэхтэһии буолуоҕа. Н.П. Габышев аатынан “Эрчим” спорт саалаҕа олунньу 23 күнүгэр былааннанар турнирга кыргыттар, уолаттар, дьахталлар, эр дьон 16 кг, 24 кг ыйааһыннаах гиирэлэри өрө анньыахтара, көтөҕүөхтэрэ.
58 киилэҕэ диэри ыйааһыннаах уолаттар 16 кг гиирэнэн күрэхтэһиэхтэрэ. Оттон 63 кг, 68 кг, 73 кг, 78 кг, 85 кг, 85 кг үөһэ ыйааһыннаахтар 24 кг гиирэнэн үлэлиэхтэрэ.
58 киилэҕэ диэри ыйааһыннаах уолаттар 16 кг гиирэнэн күрэхтэһиэхтэрэ. Оттон 58 кг, 63 кг, 68 кг, 68 кг үөһэ ыйааһыннаахтар 16 кг гиирэни өрө көтөҕүөхтэрэ.
Үтүө үгэскэ кубулуйбут Афанасий Дьячковскай бирииһигэр ыытыллар турнирга дьахталлар 58 кг, 63 кг, 63 кг үөһэ ыйааһыннарга 16 кг гиирэни өрө анньыахтара. Оттон эр дьон 63 кг, 68 кг, 73 кг, 78 кг, 85 кг, 95 кг, 95 кг үөһэ ыйааһыннарга 24 кг гиирэни өрө анньыахтара уонна өрө көтөҕүөхтэрэ.
Харысхан Попов