Нэһилиэк олохтоохторо кыһыҥҥы ыйдарга почта сабыллан эрэйи көрбүттэрэ. Баһылык Евгений Ушницкай почта боппуруоһун быһаарарга кэккэ үлэлэри ыытта. Ол курдук, почта быстах кэмҥэ үлэлииригэр анаан дьаһалта эргэ хонтуоратыгар биир хоһу анаата, кадр боппуруостарын эмиэ быһаарда.
Кулун тутар 12 күнүттэн почта начальнигынан Ангелина Ядреева киирэн үлэтин саҕалаата. Иван Ядрихинскай соҕотоҕун почта таһа сылдьыбыта, киниэхэ эбии Иосиф Протопопов ананан почтальоннаан эрэр. Онон «Почта России» Хамаҕаттатааҕы отделениета толору режиминэн, бары операциялары оҥорон үлэлиир буолла.
Евгений Сергеевич этэринэн, СӨ «Почта России» тэрилтэ директора Петр Птицыны кытта саҥа почта туттарыы боппуруоһугар үлэ бара турар.
Мария Винокурова