Хатыҥ Арыы нэһилиэгин баһылыга Иван Ноговицын уонна Хатыҥ Арыы нэһилиэгэ спорт уонна ыччат отделын дириэктэрэ Егор Бурнашев олунньу 11 күнүгэр Чурапчытааҕы А.К. Софронов аатынан саҥа тутуллубут спортивнай комплекс объегын, үлэтин-хамнаһын билистилэр.
Хатыҥ-Арыы нэһилиэгэ саҥа спортивнай комплекс тутуутун бырайыага, документацията хомуллан бэлэминэн, сыал-сорук оҥостон үлэлии турар спортивнай комплексы илэ харахтарынан көрөн, сүбэ-ама ыллылар.
Чурапчытааҕы спортивнай комплекс 260 мөл. суумалаах 2024 сылга кулун тутар ыйга үлэҕэ киирбит. Михаил Михайлович Степанов дириэктэрдээх 14 киһилээх састааптаах үлэлии олорорун, комплекска абонентскай плата киллэрбиттэрин, биэнсийэлээхтэргэ анаан биир хоско хабылык, хаамыска дьарыга ыытылларын, маны тэҥэ, остуол тенниһэ, тренажеркаҕа эрчиллии күн аайы тохтобула суох барарын туһунан иһитиннэрдэ.
Спортсаала тутуутугар кэккэ кыра сыыһалар тахсыталаабыттаран туһунан кэпсээтилэр уонна спортсаала тутуллар түгэнигэр адаптивнай спорка болҕомто ууруллан, ол хайысхаҕа үлэ барыан наадатын сүбэ биэрдилэр.
Надежда Сивцева