Хатыҥ Арыы нэһилиэгэр Улуу Кыайыы 79 сылыгар анаммыт «Окна Победы» акцияҕа нэһилиэк дьоно, оҕолор көхтөөхтүк кытталлар. Акция бары кыттыылаахтара олохтоох дьаһалта аатыттан туоһу сурук тутуохтара.
Хатыҥ Арыы орто оскуолатын 3 "а" кыл., кыл. сал. Попова Е.И.
Лера Евсеева
Татьяна Мальцева
Бүгүн Аппааны сэлиэнньэтигэр «Үйэлэргэ Албан аат» Кыайыы скверигэр үөрүүлээх миитин өрө күүрүүлээхтик ыытылынна. Хатыҥ Арыы нэһилиэгиттэн 303 киһи Аҕа дойду сэриитигэр барбыта. Арҕаа фронтан 58 буойун эргиллибитэ, Япония фронуттан дойдуларыгар кэлэн баран ыалдьан өлбүт буойуннар — 28 ветеран, Корея сэриитин кыттыылааҕа — 5 буойун.
Бу үөрүүлээх күҥҥэ 7 тыыл бэтэрээнигэр уонна биир Чурапчы көһөрүллүүтүн кыттыылааҕар Нам улууһун баһылыга Юрий Слепцов эҕэрдэ суругун, бородуукта наборун, маны тэҥэ Хатыҥ Арыы нэһилиэгин баһылыга Иван Ноговицын эҕэрдэ суругун уонна олохтоох дьаһалта, тэрилтэлэр бэйэлэрин ветераннарыгар, сэрии сылын оҕолоругар, уопсайа 21 бэтэрээҥҥэ, эҕэрдэ суруктарын, бородуукта набордарын дьиэнэн сылдьан туттардылар.
Миитин кэмигэр «Саллаакка сурук», «Георгиевскай лента» акция ыытылынна. Киэһэ 9 чааска Кыайыы скверигэр Аппааныга «Өйдөбүл төлөнө» акция ыытыллыаҕа.
Надежда Сивцева