Хатыҥ Арыы олохтоохторо акцияттан туора турбаттар

Нам улууһун Хатыҥ Арыы нэһилиэгин олохтоохторо госпитальга эмтэнэ сытар биир дойдулаах байыастарбытыгар гуманитарнай көмө оҥорууга улуустааҕы акцияҕа көхтөөхтүк кытталлар.

Ол курдук, нэһилиэк олохтоох дьаһалтата тохсунньу 20 күнүттэн 25 күнүгэр диэри, акция чэрчитинэн олохтоохтортон эт ас хомуйуутун саҕалаабыта. Үтүө бачыымҥа нэһилиэк биирдилээн ыаллара, тэрилтэлэр коллективтара сэмэй кылааттарын киллэрэллэр. Сүөһү, убаһа этин, ону таһынан эриллибит эти аҕалан туттардылар.

З.П. Винокуров аатынан Намнааҕы оҕо искусствотын оскуолатын Хатыҥ Арыытааҕы филиала (сэб. Колесова А.А.) уонна Хатыҥ Арыытааҕы историяны уонна кыраайы үөрэтэр түмэл (сэб. Нестеров М.В.) коллективтара, Юрий Слепцов, Сахаяна Слепцова, Мария Маркова, Егор Марков, Николай Петров, Александр Изюмский, Афанасий Христофоров,  Анна Сыромятникова, Владимир Сивцев, Сергей Дьяконов, Тамара Колесова, Саргылана Семенова, Василий, Полина Бурнашевтар, Зоя Иванова, Любовь, Григорий Поповтар тоҥ уонна эриллибит этинэн, Галина Афанасьева, Татьяна Сметанина харчынан көмө көмө оҥордулар.

Байыаннай дьайыыга сылдьан эчийии ылан ыраах Санкт-Петербург куоракка эмтэнэ сытар биир дойдулаахтарбыт, бэйэ дойду аһын амсайан, күүс-уох ылынан түргэнник үтүөрэн тахсалларыгар баҕарабыт. Нэһилиэкпит олохтоохторун акцияҕа көхтөөхтүк кыттаргытыгар ыҥырабыт.

Надежда Сивцева, Аппааны

Читайте дальше