Сэтинньи 3 күнүгэр Аппааны бөһүөлэгэр КСК-ҕа нэһилиэк түөлбэлэрин икки ардыларыгар дартска, ытыыга бу сылга бүтэһик күрэх буолла.
Уопсайа сэттэ түөлбэттэн алта түөлбэ хамаанда туруоран кытынна. Дартс күрэҕэр – 6, «Куропатка ВПП» ытыыга 3 киһилээх састааптаах хамаанда турда. Күрэҕи спорт уонна ыччат отделын директора Егор Бурнашев уонна ытыыга И.Е. Винокуров аатынан Хатыҥ Арыы орто оскуолатын учуутала Александр Тохтобин ыыттылар.
Күрэххэ нэһилиэк түөлбэлэрэ кыахтара баарынан бэлэмнэнэн кэлбиттэр, хамаанда туруоран икки көрүҥҥэ көхтөөхтүк кытыннылар.
Түмүккэ дартска: 1 м. — «Чэчир» (сал. Винокурова М.В.), 2 м — «Молодежный» (сал. Игнатьева Т.В.), 3 м. — «Виктория» (сал. Максимова Т.М.), 4 м. – «Саһарҕа» (сал. Максимова Л.Д.), 5 м. — «Сандаара» (сал. Платонова А.Р.), 6 м. — «Озерный» (сал. Матвеева А.М.) ыллылар. Ытыыга: 1 м. — «Молодежный», 2 м. — «Саһарҕа», 3 м .- «Сандаара», 4 м. -«Чэчир», 5 м. — «Озерный», 6 м. — «Виктория» түөлбэлэр ыллылар.
Күрэххэ хамаанда хомуйан туруорбут, сүүрбүт-көппүт түөлбэ салайааччыларыгар улахан махтал тылларын тиэрдэбит. Бу икки көрүҥ түөлбэлэр икки ардыларыгар сыл устата ыытыллар күрэххэ, спортивнай көрүҥ уопсай түмүгэр киирэр. Онон түөлбэлэргэ ситиһиини баҕарабыт.
Надежда Сивцева