Хатыҥ Арыы нэһилиэгэр кулун тутар 17 күнүгэр сарсыарда 9 чаастааҕы көрдөрүү түмүгүнэн Аппааныга — 774 ( 62,5%), Граф Биэрэгэр — 262 ( 61,7%), Кыһыл Дэриэбинэҕэ 121 (72%) киһи быыбарга кыттыбыт.
Бүгүн үс быыбардыыр учаастактарга Аппааныга Надежда Белолюбская, Кирияна Корякина, Граф Биэрэгэр Инга Винокурова, Анжелика Алексеева, Кыһыл Дэриэбинэҕэ Александра Платонова, Степанида Черноградская общественнай кэтээн көрөөччүлэр быһыытынан олоруохтара.
Дойду президенэ Владимир Путин Дьиэ кэргэн сылын биллэрэн, «Всей семьёй » бырайыак күүскэ үлэлиир. Ол чэрчитинэн, республика араас муннуктарыгар олохтоохтор дьиэ кэргэнинэн быыбарга кытталлар. Хатыҥ Арыы нэһилиэгин дьоно-сэргэтэ эмиэ туора турбакка, дьиэ кэргэнинэн быыбарга көхтөөхтүк кытталлар.
Бүгүн үс быыбардыыр учаастакка нэһилиэкпит «Хотой» ДНД хамаандатын эр дьоно Леонид Чупров, Николандр Гаврильев, Дмитрий Кривошапкин, Гаврил Макаров, Леонид Соловьев, Мичил Герасимов салайааччылаах дьуһуурустубаҕа туруохтара.
Надежда Сивцева