Байыаннай дьайыыга сылдьар буойуннарбытыгар күүс-көмө буоларга нэһилиэнньэ бүттүүн турунар.
Ол курдук, сэтинньи 9-10 күннэригэр Саввина Ирина Егоровна салайааччылаах «Илии сылааһа» иис сыаҕа кэлэн хатырыктарга байыаннай таҥас-сап тигиитигэр маастар-кылаас ыыттылар.
Кинилэр дьарыктаммыттара үс сыла эбит. Олохтоохтор дьахтар сэбиэтин (сал. А.А. Макитова) көҕүлээһининэн икки күн 26 далбар хотун кэлэн иистэннэ. Ону кытта Наумова Прасковья Дмитриевна салайааччылаах Хатырыкка «Илии сылааһа «иис түмсүүтэ тэрилиннэ.
Валентин Васильев