Хатырык нэһилиэгин тэрилтэлэрэ олунньу 5-9 күннэригэр волейболга күрэхтэспиттэр. Уопсайа волейболга 50 киһилээх 8 хамаанда турбут.
1-кы миэстэ – ыччат; 2-с миэстэ – МПЧ уонна балыыһа хамаандата; 3-с миэстэ – олохтоох дьаһалта уонна гаас үлэһиттэрэ. Кыайыылаах хамаандалар мэтээллэринэн, грамоталарынан наҕараадаламмыттар.
Хатырыкка элбэх хайысхалаах комплекс киирбитэ 1 сылыгар олунньу 10 күнүгэр олохтоохторго дартска уонна төрүт ох саанан ытыыга маастар-кылаастар буолбуттар.
Ол курдук, дартска Бөтүҥтэн Егор Бурнашев, төрүт ох саанан ытыыга Хамаҕаттаттан кэргэнниилэр Катарина Колесова, Петр Калачев интэриэс уурбуттар.
Маастар-кылаастар кэнниттэн кэлбит дьоҥҥо күрэхтэһии тэриллибитин Хатырык спортинструктора иһитиннэр. Дартска эр дьоҥҥо муҥутуур кыайыылааҕынан Василий Собакин ааттаммыт. Оттон дьахталларга Ольга Кириллина буолбут. Төрүт ох саанан ытыыга эр дьоҥҥо Вячеслав Винокуров, дьахталларга Сахая Кириллова муҥутуур кыайыылаахтарынан буолбуттар.
Кыайыылаахтар мэтээллэринэн, грамоталарынан наҕараадаламмыттар. Тэрээһиҥҥэ, күрэхтэһиигэ барыта 40 киһи кыттыыны ылбыт.
Харысхан Попов